Fillon projekti 4 milionësh i BE-së për deminimin e Kosovës

Shefi i Zyrës së Bashkimit Evropian në Kosovë, Tomas Szunyog, njoftoi të enjten se ka filluar projekti i Veprimit për Deminimin e Kosovës, financuar nga Bashkimi Evropian.

Në rrjetin social Twitter, ai është shprehur krenar me këtë projekt të BE-së me partnerët në Kosovë.

Szunyog ka thënë se BE-ja do të investojë pothuajse 4 milionë euro për pastrimin dhe përdorimin e sigurt të zonave të prekura nga minat si dhe mbetjet e municioneve thërrmuese.

“Krenar që lançojmë sot projektin e BE-së në Kosovë për deminim me partnerët tanë zbatues “TheHALOTrust” dhe Ndihma Popullore Norvegjeze. BE-ja do të investojë pothuajse 4 milionë euro për pastrimin dhe çlirimin për përdorim të sigurt të zonave të prekura nga minat dhe mbetjet e municioneve thërrmuese”, ka shkruar ambasadori.

Tutje, ai ka thënë se zona që do të pastrohet përfshin kryesisht male, pyje, kullota dhe tokë bujqësore.

“Duke bashkuar forcat dhe financimin në çminim, me Departamentin e Shtetit dhe Ministrinë e Jashtme të Norvegjisë do ta bëjmë Kosovën më të sigurt për komunitetet e saj dhe do të kontribuojmë në zhvillimin ekonomik social”, ka përfunduar Szunyog. /Telegrafi/

Proud to launch today ??#EU-??#Kosovo Demining Action project with our implementing partners @TheHALOTrust Europe NL and Norwegian People’s Aid ??.
The EU will invest almost EUR 4 million to clear and release for safe use areas affected by mines and cluster munition remnants. pic.twitter.com/IGxyLL5zf3

— Ambassador Tomáš Szunyog (@EUAmbKS) March 16, 2023