Filipçe: Kur do të mundemi do t’i shqyrtojmë kërkesat e atyre që duan rritje të pagave në shëndetësi

“Premtuam pagë më të madhe për mjekët dhe infermierët, tashmë kjo është realizuar pjesërisht. Përfundimisht procesi do të përmbyllet në shkurt kur do të mbërrijnë njëqind mijë denarët në klinika, afër njëqind mijë denarët së bashku me kujdestaritë e të ardhurave neto në të gjitha spitalet dhe në hapin e ardhshëm menjëherë kur do të mundemi do t’i kemi parasysh të gjithë ata të ciëlët tani nuk kanë marrë rritjen të pagave”.

Këtë e deklaroi sot ministri i Shëndetësisë Venko Filipçe, duke u përgjigjur në pyetjen e gazetarëve lidhur me protestën e personelit administrativ-teknik të institucioneve shëndetësore publike, të paralajmëruara për më 26 dhjetor para Ministrisë së Shëndetësisë, që kërkon rritje të pagave.

Filipçe theksoi se kanë pasur disa takime me administratën dhe me personelin ndihmë teknik. Politika, qasja, theksoi, ishte të investojmë atje ku kuadri është më deficitar, ndërsa kota janë punonjësit shëndetësorë, mjekët dhe infermierët.

“Nuk mundemi administratën ta ndajmë nga administrata tjetër në dikastere të tjera. Disa herë kur jemi takuar kemi treguar në atë se edhe krahas kësaj që duam të promovojmë së bashku me Ministrinë e Shoqërisë Informatike dhe Administratës ta realizojmë nëse mundet ndryshime ligjore për atë administratë që të përjashtohet nga tjetra, dhe të kemi hapësirë në të ardhmen ta bëjmë këtë, se tani varemi edhe nga mjetet të cilat duhet të merren parasysh për rritjen e pagave edhe për administratën tjetër, për shkak se kjo është korrekte dhe e drejtë”, shtoi Filipçe pas vizitës së Klinikës Universitare për Sëmundje të Syve.