Fifi reagon e revoltuar pas lajmeve se është ndarë nga Adis Patushi: Kujdes se jeni duke shqetësuar dy familje

Kohëve të fundit kanë qarkulluar disa lajme se këngëtarja Filloreta Raçi-Fifi është ndarë nga partneri i saj, Adis Patushi.

Kjo ka bërë që të ketë një reagim nga artistja, teksa demanton të gjitha këto raportime.

Në një shkrim të bërë në InstaStory, ajo shprehet e revoltuar për mënyrën se si shihen gjërat në publik.

Krijuesja e hitit “Diell” ka kërkuar që të mos etiketohet i dashuri i saj, si ish-bashkëshorti i Adrola Dushit, meqenëse kanë bashkë edhe një fëmijë.

Postimi i Fifit (pa ndërhyrje):

“Dhe ja pra miq kjo është Shqipëria. Një ditë të shpifet që nëse një çift poston më shumë se sa duhet thuhet ‘s’janë të lumtur’, ‘ditën tjetër shpifet’ që je nda sepse nuk ke postu foto qift’
Juve s’ju bije njeriu në fije…dhe nëse mendoni që keni info të sakta rreth jetës time personale jeni shumë gabim.

Ju kam dhënë më shumë info se sa që duhet për Fifin mbase ka ardhur momenti që t’iu shmang pak që të jem edhe unë e lumtur se pastaj vjen shpifja tjetër ‘Fifi Drama Queen, vetëm hiperbolizon, vetëm bën skena, bën gjithçka vetëm të jetë në qendër të vëmendjes.

Media të dashura se kuptoj pse vazhdoni ta përdorni personin e tretë kur flitet për mua dhe të dashurin tim..pse në çdo lajm të përmendet Adis Patushi si ish-bashkëshorti i palës tjetër.
Besoj se pas disa kohësh do ketë titull Fifi bën dasmë më ish-bashkëshortin e..ndaluni.

Dhe ju lutem kujdes se jeni duke shqetësuar dy familje se mua më është djegur lëkura u mësova tashmë me mashtrime mediatike për më shit lajm e me ngjall panik për interesa personale të s’di kujt”. /Telegrafi/