Fero sqaron pse publikoi fotografi të Arbenitës nën shoqërinë e një burri në Dubai: E bëra sepse shqetësohem për vajzën time

Feronit Shabani i njohur në publik si Fero, ka reaguar sërish i indinjuar për çështjen e vajzës së tij, Ninën, për të cilën thotë se nuk e ka takuar për një kohë të gjatë.

Ai përmes një lidhje telefonike në emisionin “Shqipëria Live” ka treguar se ka pasur dy mospërfillje të vendimit nga organet kompetente kosovare.

“Vajzën time nuk e kam takuar për një kohë të gjatë, tani shteti është duke u angazhuar në këtë çështje, ia kam lënë shtetit, unë nuk do të merrem, thjesht e kom shpreh shqetësimin tim, për arsye se nuk kanë marrë masa, sepse ka pas më shumë se dy herë mospërfillje të vendimit edhe mos zbatim të vendimit. Vajzën nuk e kam pa që një kohë të gjatë edhe derisa më është bërë e tepërt edhe kom dalë me disa deklarata”, u shpreh Fero gjatë lidhjes direkte.

“Unë kërkoj drejtësinë time dhe ka me i kërku të drejtat e mia”.

Ai gjithashtu foli edhe për fotografinë që publikoi të ish-bashkëshortes së saj Arbenita Ismajlit, në shoqërinë e një personi derisa ajo ishte në Dubai, për veprim të cilin u shpreh se nuk u pendua.

Lexo po ashtu Fero publikon fotografi të Arbenita Ismajlit me një mashkull në Dubai

“Unë e kam hedhur foton për arsye sepse aty qëndron vajza ime, se unë kam argumente qartazi, që vajza ime qëndron me burra të huaj. Është shqetësimi im për vajzën e jo për jetën e saj [për Arbenitën] sepse ajo e ka jetën e vet edhe mundet me bo çka të don ajo për jetën e vet. Vajza është pika jem e dobët. Çkado që bën mos e përfshi vajzën”, iu referua ai ish-bashkëshortes së tij. /Telegrafi/