Fero largohet nga muzika: Dua t’i përkushtohem fesë islame dhe familjes time

Reperi shqiptar, Feronit Shabani – Fero, ka njoftuar ndjekësit në rrjete sociale se ka vendosur të largohet nga muzika.

Në një shkrim të publikuar në Instagram, ai thotë se dëshiron ta lë muzikën që t’i përkushtohet fesë islame dhe familjes.

Ai tutje ka bërë të ditur se falet pesë herë në ditë dhe se është penduar për çdo këngë që e ka realizuar.

Njoftimi i plotë i Feros (pa ndërhyrje):

“Përshëndetje miq , deshta t’ju njoftoj se kohëve të fundit kam pasur disa sfida në jetën time , të cilat me ndihmën e Allahut i kam kalu. Unë kam vendosur që përfundimisht të largohem prej muzikës, arsyeja kryesore është se kohëve të fundit kam studiuar rreth Fejës Islame dhe më është bërë e çartë se muzika është e ndaluar në islam.

Për këtë arsye kam vendosur që ta lë muzikën dhe t’i përkushtona fejës islame dhe familjes time.

Unë dua t’ju njoftoj se falem 5 herë në ditë, dhe pendohem te Allahu Krijuesi i gjithësisë për çdo këngë që e kam kënduar

Dhe çdo tekst që e kam shkruar, pastaj i kërkoj falje familjes time dhe gjithkujt që i kam bë padrejtësi , ju kërkoj që t’ma bëni

hallall.

Unë kam një mesazh për çdo kënd që dëgjon këngët e mija le t’i fshin ato këngë ose mos t’i dëgjon asniher, le të largohet nga kjo gjë e kotë.

Secili njeri është i lirë të zgjedh mënyrën se si ta jeton jetën e tij.

Gjithashtu ju thërras të gjithë juve që të falni namazin ndiqni shembullin tim të udhëzimit dhe të largoni nga shembulli i devijimit

E di se do të ketë njerëz që do t’më paragjykojnë , do të thonë se a e dini se çfarë mëkate ke bë etj etj mirëpo mua më mjafton fjala e Allahut të Lartësuar: “Thuaj: “O robërit e Mi, ju që e keni ngarkuar veten me shumë gabime, mos e humbni shpresën ndaj mëshirës së Allahut, se vërtet Allahu i fal të gjitha mëkatet.”

Ez Zumer 53.

Me respekt Feronit Shabani”. /Telegrafi/

View this post on Instagram

A post shared by Feronit Shabani (@ferofera)