Fermerët planifikojnë të ndalojnë zhvillimin e ndeshjes Toulouse – PSG në Ligue 1

Teksa fermerët pov azhdojnë të protestojnë në Toulouse për shkak të rregullave të Bashkimit Evropian, ndeshja e klubit të qytetit me Parisin e Neymarit është në rrezik që të mos zhvillohet fare.

Fermerët janë bashkuar në qytetin francez të Toulouse për të protestuar për planet e qeverisë që të zvogëlojnë numrin e zonave bujqësore që kualifikohen për subvencionet e BE-së.

Demonstratat filluan të ndikojnë në mbarë qytetin e Toulouse këtë javë teksa femerë të hidhëruar kanë vënë në flakë gomat dhe bllokuan rrugët me traktorë.

Për shkak të natyrës së paparashikueshme të protestave, ndeshja e Toulouse në Ligue 1 me liderët e PSG të shtunën mund të anulohet pasi po planifikohet një bllokim i stadiumit.

Një zyrtar i një shoqate të bujqve tha për France 3 se do të krijohet një apokalips i plotë.

“Unë po e bëj të ditur apokalipsin në Toulouse. Nëse ministri nuk ndërron mendjen, atëherë pse të mos protestojmë të shtunën në stadium? Asgjë nuk mund të na ndalë”, ka thënë ky zyrtar.

PSG mund të mirëpresë anulimin e këasj ndeshje pasi po përgatitet për superduelin ndaj Real Madridit në Ligën e Kampionëve të mërkurën mbrëma.

Ndërsa Toulouse mbetet në vendin e 15-të në Ligue 1 dhe është në luftë të ashpër për mbijetesë. /Telegrafi/