Ferdinand befason të gjithë me zgjedhjen e mbrojtësit më të mirë në Ligën Premier, injoron emra si Van Dijk, Dias dhe Varane

Rio Ferdinand e ka emëruar gjermanin e Chelseat, Antonio Rudiger, si mbrojtësin më të mirë në Ligën Premier aktualish, përpara emrave të mëdhenj të tillë si Ruben Dias, Virgil van Dijk dhe Raphael Varane.

Liga Premier është e mbushur me qendërmbrojtës të klasit botëror, me katër ekipet e para të sezonit të kaluar që të gjithë kanë mbrojtës të shkëlqyer në radhët e tyre.

Dias ishte ndryshimi në mbrojtjen e Manchester City vitin e kaluar, pasi ata fituan titullin kampio, ndikimi i Van Dijk në Liverpool ishte i madh, dhe mungesa e tij sezonin e kaluar vërtet e tregoi këtë, dhe Manchester United do të shpresojë që Varane të bëjë të njëjtën gjë atyre këtë sezon dhe në vazhdim.

Lexo po ashtu Rudiger ‘nxjerr Messin nga brenda’, driblon dhe depërton magjishëm për rreth 80 metra në ndeshje ndaj Zeniti

Sidoqoftë, Ferdinand, i cili dikur ishte pjesë e një prej dysheve më të madha mbrojtëse të ligës ndonjëherë me Nemanja Vidic, mendon se është Rudiger i Chelsea që ka qenë mbrojtësi më i mirë që kur Thomas Tuchel mbërriti në Angli në fillim të vitit 2021.

“Meqenëse Tuchel ka ardhur, unë mendoj se Rudiger ishte padyshim qendërmbrojtësi më i mirë”, ka thënë fillimisht ish-mbrojtësi i Unitedit për Metro.

“Unë mendoj se ai dhe Dias do të kishin qenë afër, por efekti që ai ka pasur në ekipin e tij ka qenë i madh”.

“Nën Frank Lampard, ishte e qartë se ai nuk ishte i preferuari. Ai nuk e donte shumë atë. Kishte zëra se po përpiqeshin ta fusnin atë në treg për t’u shitur”.

“Në Gjermani, ai është menduar shumë. Por kur menaxheri nuk ju vlerëson dhe ju e ndjeni këtë, nuk më intereson kush jeni besimi juaj merr një goditje dhe është e vështirë të performosh në atë nivel”, përfundoi Ferdinand. /Telegrafi/