Fëmijët do të kenë sukses nëse zhvillojnë këto pesë tipare, pohon ekspertja

Prindërit duan t’u japin fëmijëve të tyre bazën më të mirë për sukses, por shpesh pyesin se cilat tipare janë kyçe për zhvillimin e tyre.

Disa karakteristika, të tilla si qëndrueshmëria dhe disiplina, mund të ndikojnë ndjeshëm në të ardhmen e tyre. Edukatorja e prindërve, mamaja dhe psikologia Jaimie Bloch ndanë pesë tipare kryesore që mund t’i ndihmojnë fëmijët të rriten në njerëz të suksesshëm dhe të sigurt.

Qëndrueshmëria

“Jeta nuk është gjithmonë e lehtë dhe fëmijët do të përballen me sfida. Qëndrueshmëria i ndihmon ata të ngrihen pas situatave të vështira, të mësojnë prej tyre dhe të provojnë përsëri. Inkurajimi i fëmijëve për të vazhduar, forcon karakterin e tyre dhe i përgatit për të ardhmen”, thekson edukatorja në një postim në Instagram.

Kurioziteti

Fëmijët që bëjnë pyetje, eksplorojnë ide të reja dhe tregojnë dëshirë për të mësuar, vazhdimisht bëjnë përparim. “Të ndihmosh fëmijët ta shohin botën si një vend plot me mundësi, nxit zhvillimin e tyre intelektual”, pohon Bloch.

Empatia

Fëmijët që kuptojnë se si ndihen të tjerët ndërtojnë marrëdhënie të forta dhe punojnë mirë me të tjerët. Mësimdhënia e empatisë i ndihmon ata të lidhen, të ndajnë mendimet dhe të bashkëpunojnë në mënyrë më efektive.

Disiplina

Suksesi shpesh kërkon përpjekje dhe përkushtim. Vetëdisiplina i ndihmon fëmijët të qëndrojnë të përqendruar në detyrat, qoftë studimi, sporti apo punët e shtëpisë.

Vetëbesimi

“Fëmijët që besojnë në veten e tyre e kanë më të lehtë të pranojnë sfidat dhe të dalin nga zona e tyre e rehatisë. Lavdërimi i përpjekjeve të tyre, jo vetëm i rezultateve, i ndihmon ata të zhvillojnë sigurinë e brendshme dhe motivimin”, përfundon edukatorja.

View this post on Instagram

A post shared by Jaimie Bloch | Parent & Child Clinical Psychologist (@mindmoverspsych)