Fëmijët në Siberi detyrohen të shkojnë në shkollë në temperatura ekstreme prej minus 44 gradë Celsius, derisa erërat e forta lëvizin me shpejtësi prej 108 km/h (Foto/Video)

Shkuarja në shkollë në Siberi pa dyshim që është sfidë e madhe,për nxënësit dhe prindërit e tyre.

Pamjet e publikuara më poshtë shfaqin fëmijët të cilët luftojnë me erërat e forta dhe rrugët e mbuluara me borë e akull, derisa shkojnë në shkollë dhe kthehen në shtëpi, transmeton Telegrafi.

Disa prej tyre këtë e cilësojnë si diçka argëtuese, por sigurisht se është e vështirë nëse çdo ditë duhet ta bëjnë të njëjtën rrugë në këto kushte atmosferike.

Me këto probleme po ballafaqohen nxënësit e Russkoye Ustye, fshat ky në distriktin Allaikhovsky në Yakutia të Rusisë.

Erërat e forta që fryjnë me shpejtësi prej 108 kilometra në orë është diçka e zakonshme për këtë regjion, e lëre me temperaturat e ulëta që arrijnë deri në minus 44 gradë Celsius.

Por në mungesë të alternativave, nxënësit detyrohen çdo ditë të përshkojnë në këto kushte klimatike rrugën deri në shkollë në Yakutia e njohur ndryshe si Sakha, që cilësohet si rajoni më i madh në Rusi, që është gati sa territori i Indisë. /Telegrafi/

https://www.youtube.com/watch?v=MPyC6W6zVsE