Federata e Futbollit të Arabisë hap hetim ndaj Ronaldos pas gjesteve të turpshme ndaj tifozëve

Cristiano Ronaldo raportohet se do t’i nënshtrohet një hetimi pas gjesteve të turpshme që bëri ndaj tifozëve në një ndeshje të Ligës Saudite.

Të dielën, Al Nassr u përball në udhëtim ndaj Al Shababit, të cilët kanë afruar në ekipin e tyre yje si Yannick Carrasco dhe Ivan Rakitic.

Ronaldo e hapi ndeshjen pas penalltisë së shënuar në minutën e 21-të, por eventualisht mysafirët barazuan rezultatin me anë të Carrascos. Në fund, ishte ekipi i Ronaldos që doli fitues fal golit të Anderson Taliscas.

Sidoqoftë, sulmuesi portugez duket se ishte i acaruar me tifozët kundërshtar të cilët po brohorisnin emrin e ish-rivalit të tij Lionel Messi.

Lexo po ashtu Vazhdon ‘beteja’ ligjore mes Ronaldos dhe Juventusit, portugezi kërkon pagat e papaguara

Në kundërpërgjigje, Ronaldo vendosi dorën e tij në vesh para se të bëjë një gjest i cili nga shumë njerëz u cilësua si u turpshëm, në drejtim të tribunave.

pic.twitter.com/WKj2jIrTk4

— @TrollFootball Videos (@TF_Video) February 25, 2024

Sipas një raportimi nga The Telegraph, Federata e Futbollit të Arabisë tanimë ka hapur një hetim lidhur mbi incidentin.

Në sezonin e tij të dytë në Arabinë Saudite, ylli portugez e ka vazhduar rekordin e tij para portës, ndërsa momentalisht po udhëheq listën e golashënuesve më të mirë në Lindjen e Mesme.

Goli që shënoi të dielën nga penalltia e çoi në 22 numrin e golave të shënuar në 20 paraqitje./Telegrafi/