FDA-ja ndalon përbërësin në pijet e gazuara: BVO-ja çon në probleme të zemrës, ndërhyn me jodin në funksionin e saj në gjëndrën tiroide

Një përbërës që dikur përdorej zakonisht në pijet e gazuara me shije agrumesh për të ndihmuar që shija e mprehtë të përzihej mirë në të gjithë pijen, më në fund është ndaluar tërësisht në SHBA

FDA-ja (Administrata Amerikane e Ushqimit dhe Barnave) ka revokuar regjistrimin e një vaji bimor të modifikuar të njohur si BVO – vaj i brominuar, pas studimeve të fundit toksikologjike.

– Veprimi i propozuar është një shembull se si agjencia monitoron provat e reja dhe, kur është e nevojshme, kryen kërkime shkencore për të hetuar çështjet e lidhura me sigurinë, ndërmerr veprime rregullatore kur shkenca nuk mbështet përdorimin e vazhdueshëm të sigurt të aditivëve ushqimorë – tha James Jones, zëvendëskomisioner i FDA-së i ushqimit të njerëzve.

BVO-ja, ose vaji bimor i brominuar, është përdorur si emulsifikues që nga vitet ‘30 të shekullit të kaluar për të siguruar që shijet e agrumeve të mos notojnë në majë të pijeve të gazuara.

Lidhja e një duzinë atomesh bromi në një triglicerid krijon një vaj të trashë që noton në mënyrë të barabartë në ujë kur përzihet me yndyra më pak të dendura, transmeton Telegrafi.

Bromi parandalon jodin që të kryejë funksionin e tij më të rëndësishëm në gjëndrën tiroide

Megjithatë, ky nuk është truku i vetëm i BVO. Studimet e kafshëve kanë nënkuptuar fuqimisht se përbërja akumulohet ngadalë në indet tona yndyrore.

Për shkak se bromi ka aftësinë të parandalojë jodin që të bëjë punën e tij më të rëndësishme në gjëndrën tiroide, autoritetet shëndetësore në mbarë botën kanë qenë të dyshimtë për këtë emulsifikues për dekada të tëra.

Në fakt, BVO tashmë është ndaluar në shumë vende, duke përfshirë Indinë, Japoninë dhe vendet e Bashkimit Evropian, ndërsa u ndalua në Kaliforni në tetor 2022, me ligjin e vendosur të hyjë në fuqi në 2027.

Megjithatë, FDA ishte e ngadaltë për t’u bindur. Në vitet 1950, agjencia e konsideroi përbërësin e njohur përgjithësisht si të sigurt (GRAS).

Kjo ndryshoi ndërkohë, kur u ngritën pyetje në lidhje me toksicitetin e tij të mundshëm, duke bërë që FDA të revokojë klasifikimin e saj GRAS për BVO dhe të kufizojë përkohësisht përdorimin e tij në përqendrime relativisht të ulëta.

BVO çon në probleme të zemrës

Të dhënat mbi rreziqet që paraqesin edhe këto sasi të vogla të BVO me kalimin e kohës nuk kanë qenë të lehta për t’u mbledhur.

Një studim në Mbretërinë e Bashkuar në vitet 1970 zbuloi se bromi grumbullohet në indet njerëzore dhe studimet e kafshëve kanë lidhur përqendrimet e larta të BVO me problemet e zemrës dhe të sjelljes.

U desh kohë dhe një seri studimesh të mëtejshme, por bazuar në studimet më të fundit të kafshëve bazuar në përqendrimet relative të BVO që njerëzit ka të ngjarë të gëlltisin, FDA më në fund u bind se kishte prova të mjaftueshme për të ndaluar plotësisht përdorimin e tij.

Shumica e kompanive të mëdha të pijeve të gazuara janë për fat përpara lojës.

“Shumë prodhues të pijeve kanë riformuluar produktet e tyre për të zëvendësuar BVO me një përbërës alternativ, ndërsa sot pak pije në SHBA përmbajnë BVO,” tha Jones.

Me alternativat e përshtatshme për BVO që tashmë përdoren për të bërë pije agrumesh në mbarë botën me një shije të mprehtë deri në pikën e fundit, përbërësi do të hiqet gradualisht. /Telegrafi/