Është vetëm çështje kohësh kur Liverpooli të shpallet kampioni i Ligës Premier për vitin 2019/2020.
Skuadra e Jurgen Kloppit është 22 pikë larg vendit të dytë Manchester Cityt, e që u duhen të fitojnë vetëm edhe gjashtë ndeshje për t’u shpallur kampion.
The Reds morën fitoren e 24 nga 25 ndeshje të zhvilluar në ndeshjen ndaj Southamptonit të zhvilluar të shtunën e javës së kaluar.
10= Fabinho
Braziliani po kalon nëpër një formë të mrekullueshme në këtë sezon dhe shihet në mesin e favoritëve për ta fituar çmimin e lojtarit të vitit në Ligën Premier.
9= Roberto Firmino
Në formë të mirë po kalon edhe bashkëkombësi i tij, që deri më tani ka shënuar tetë gola dhe ka bërë nëntë asistime deri më tani në këtë sezon.
8= Raheem Sterling
Anglezi nuk është në formën që e kishte sezonin e kaluar, por vazhdon të jetë lojtari kryesor i Manchester Cityt dhe është në mesin e favoritëve.
7= Jamie Vardy
Është një tjetër sezon fantastik nga sulmuesi anglez, që ka shënuar 17 gola dhe ka bërë gjashtë asistime deri më tani në këtë sezon.
6= Trent Alexander-Arnold
Mbrojtësi 21-vjeçar është aktualisht më i miri në pozitën e tij, e që ka shënuar dy gola dhe ka bërë 12 asistime.
5= Virgil van Dijk
Holandezi vazhdon të mbajë epitetin e mbrojtësit më të mirë edhe në këtë sezon dhe Liverpooli po fiton shumë nga cilësitë e tij defanzive.
4= Mohamed Salah
Në vitin 2018 e fitoi çmimin e lojtarit të vitit në Ligën Premier, ndërsa edhe tani shihet si favorit.
3= Kevin de Bruyne
Shtatë gola dhe 17 asistime deri më tani në këtë sezon. De Bruyne mund të thuhet se është mesfushori më i mirë në Ligën Premier.
2= Sadio Mane
Senegalezi në këtë sezon ka shënuar 11 gola dhe ka bërë tetë asistime, por që nëse vazhdon me këtë formë, atëherë mund të fitojë çmimin e më të mirit në ligën angleze.
1= Jordan Henderson
Mesfushori anglez është në mesin e më meritorëve që Liverpooli do ta fitojë Ligën Premier. Ai deri më tani ka shënuar tri gola dhe ka bërë katër asistime, e që do të jetë i pari prej lojtarëve të The Reds që do ta marr trofeun e tyre, pasi është kapiten i skuadrës. /Telegrafi/
Jordan Henderson (Foto: Goal.com)
