Familjarët dhe shoqatat e personave të pagjetur po kërkojnë ndryshimin e legjislacionit që rregullon çështjen e personave të pagjetur nga lufta e viteve 1998-1999 në Kosovë, sepse e cilësojnë atë diskriminues, pasi i vë ata në pozitë të pabarabartë me kategoritë e tjera të dala nga lufta.
Prej më shumë se dy dekadash, familja e Agron Limanit po përjeton dramën e kërkimit për të atin, vëllain, xhaxhain dhe djalin e xhaxhait, që u vranë mesditën e 26 marsit 1999, së bashku me 104 të tjerë në masakrën e Krushës së Vogël dhe më pas trupat e tyre u zhdukën. Deri më tani, nga ata është gjetur vetëm i vëllai, Luani, ndërsa të tjerët janë në mesin e 65 të zhdukurve të kësaj masakre.
Ndërkaq, në skemën pensionale për personat e pagjetur ata janë trajtuar si dy dhe jo si katër të zhdukur. “Nëna ime e ka marrë një kohë të shkurtër pensionin e saj dhe një pension vetëm për babain, jo edhe për vëllain dhe këtë e ka marrë deri në vitin 2017, kur u vendos që një familje duhet të vendosë mes pensionit të vet ose atij për familjarët e zhdukur, pavarësisht sa familjarë të zhdukur ka”, thotë Limani.
Ai thotë se kjo formë e politikave pensionale është diskriminim dhe mungesë respekti për këtë kategori. “Mënyra se si trajtohet një familje që ka 3-4 të zhdukur është fyese. Është përbuzje, sidomos për gratë që kanë humbur burrat dhe janë kryefamiljare”, thotë Limani.
Limani, i cili drejton shoqatën për persona të pagjetur “26 marsi” thotë se nevojitet që ligji aktual, që rregullon këtë çështje, të ndryshohet ose të rikthehet skema e mëhershme pensionale për familjet e të pagjeturve.
Çështja e personave të pagjetur nga lufta e viteve 1998-1999 në Kosovë dhe e familjeve të tyre rregullohet me katër ligje, por ato jo vetëm që nuk rregullojnë krejtësisht statusin, të drejtat dhe nevojat e tyre, por një pjesë e dispozitave të tyre bien ndesh me njëra-tjetrën, duke e bërë të vështirë zbatimin e tyre në praktikë.
Një tjetër element që kundërshtohet nga familjarët dhe shoqatat e personave të pagjetur është shkalla e përqindjes për dy ose më tepër familjarë të pagjetur. “Është trajtim jo i barabartë tyre” thotë Limani.
Legjislacioni në fuqi i vë familjet e personave të pagjetur në pozitë të pabarabartë me kategoritë e tjera të dala nga lufta. Një familjar i personave të pagjetur civil merr 168 euro pension, ndërsa një familjar i një dëshmori merr 448 deri në 672 euro, nëse ka më shumë se një të zhdukur me status të dëshmorit.
Në vitin 2019, Qeveria e Kosovës ka miratuar një koncept-dokument me të cilin synon të ndryshojë ligjet që rregullojnë çështjen e të pagjeturve, të avancojë mekanizmat për zbardhjen e fatit të personave të pagjetur, të zgjidhë statusin e tyre dhe të familjarëve të tyre, si dhe të ruajë gjësendet e personave të pagjetur.
Sipas këtij dokumenti planifikohet që brenda vitit të parë të ndryshohen: Ligji për Persona të Zhdukur, Ligji për Statusin dhe të Drejtat e Dëshmorëve, Invalidëve, Veteranëve, Pjesëtarëve të Ushtrisë Çlirimtare të Kosovës, Viktimave Civile dhe Familjarëve të Tyre, si dhe Ligji për Skemat Pensionale të Financuara nga Shteti.
Deri tani, qeveria nuk ka bërë ndonjë lëvizje drejt ndryshimit të këtyre ligjeve.
Familjarët ankohen kryesisht për dispozitat që rregullojnë pjesën ekonomiko-sociale të tyre. “Fakti që familjarëve u duhet të zgjedhin mes së drejtës për pension individual dhe atij familjar, si familjar i personit të zhdukur, është përçmim” thotë Limani.
Bajram Qerkinaj, bashkëkryesues i Qendrës Burimore për Persona të Zhdukur, një organizatë që mbledh përfaqësues të familjeve të personave të pagjetur nga lufta e viteve 1998-1999 në Kosovë, gjithashtu konsideron se skema pensionale e familjarëve të kësaj kategorie të viktimave është diskriminuese.
“Vazhdimisht po bëhet shkelje e të drejtave të njeriut. Ka njerëz që kanë punuar mbi 40 vite dhe kanë paguar kontributet pensionale dhe në anën tjetër kanë 2-3 familjarë të zhdukur dhe duhet të vendosin cilin pension ta marrin”, thotë Qerkinaj.
Për Qerkinajn, djali i të cilit është gjithashtu i pagjetur, pensioni për familjet e të pagjeturve nuk është pension, por më shumë “një simbolikë” se ata njihen si kategori viktimash. “Ka raste kur një familje ka dy ose më shumë të zhdukur dhe ata marrin vetëm një pension, gjë që e bën edhe më të rëndë dhimbjen e tyre”, thotë ai.
Përderisa nismat qeveritare për t’i ndryshuar ligjet që rregullojnë çështjen e të pagjeturve kanë mbetur në sirtarë, Avokati i Popullit ka paralajmëruar një ankesë në adresë të Qeverisë për dallimet në skemën pensionale.
“Ne i kemi kërkuar edhe Avokatit të Popullit që ta adresojë këtë çështje. Presim që Avokati i Popullit t’i përfillë kërkesat tona dhe të ngrejë padi”, thotë Qerkinaj.
Këtë vit, buxheti i Kosovës ka ndarë mbi 387 milionë euro apo rreth 23.5% të buxhetit të përgjithshëm për skemat pensionale e sociale për mbi 290 mijë përfitues, ku përfshihen edhe familjet e të pagjeturve. Kjo listë po shkon duke u rritur. /Albonita Aliu/
Ky shkrim është produkt i trajnimit online për raportim gazetaresk në fushën e Ballafaqimit me të Kaluarën (BmK) /Gazetaria e sensibilizuar për konflikte, implementuar nga forumZFD-Programi në Kosovë. Pikëpamjet e shprehura në këtë shkrim janë përgjegjësi e autorit dhe ato në asnjë mënyrë nuk pasqyrojnë pikëpamjet e forumZFD.
Promo
Reklamo këtuLufta Prigozhin - Putin
Më shumëNga Rubrika
Kontrabandë me cigare në Viti, sekuestrohen 500 kg duhan me vlerë mbi 6 mijë euro
Babait të Vanjës i shfuqizohet masa e paraburgimit, i caktohet masa e arrestit shtëpiak
Kërkohet paraburgim për 22 vjeçarin nga Ferizaj, dyshohet se sulmoi seksualisht të miturën me të cilën ishte një lidhje tash e një vit
Çka tha diplomati slloven Zhbogar në OKB që u irritua Vuçiqi?
Sylejman Selimi dhe Jahir Demaku lirohen nga akuza për krime lufte
Babai i Vanjës me ankesë të re para Gjykatës Supreme, kërkon që t’i hiqet masa e paraburgimit
Sindikata e Re e KEK-ut, ajo e Administratës dhe e Trepçës reagojnë ndaj kryetarit të BSPK-së për disa vendime
Organizatori i protestave anti-Vuçiq në Beograd, Manojloviq: Unë jam gjallë falë besës së shqiptarit
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën