Familja e Nezir Mehmetajt i cili u arrestua më 3 janar të vitit të kaluar në Merdar nga autoritetet serbe, ka kërkuar nga institucionet përkrahje për lirimin e tij.
Ata i janë drejtuar institucioneve vendore dhe ndërkombëtare për të ndikuar në lirimin e tij.
“Drejtuar: Ministrisë së Punëve të Jashtme, asaj të Drejtësisë, Zyrës Ndërlidhëse, Organizatës për të drejta të njeriut, Avokatit të Popullit, Odës së Avokatëve, faktorit ndërkombëtar, faktorit serb dhe mekanizmave përkatës që kanë mundësinë të ndalojnë këtë paragjykim dhe paraburgim të padrejtë ndaj qytetarit të Republikës së Kosovës.
Po ashtu i drejtohem ambasadave të huaja, mediave vendore dhe të huaja, dhe ato të Serbisë, si dhe gjithë faktorëve që mund të ndikojnë në këtë situatë të ndjeshme”, thuhet në kërkesën e familjes.
Sipas tyre, në rastin e Nezirajt bëhet fjalë për shkelje të të drejtave të njeriut pasi thonë se ai po përjeton dhunë psiqike.
Tutje shtojnë se këto akte dhe akuza janë të padrejta dhe absurde duke theksuar se për 15 muaj i është vazhduar paraburgimi.
Familja thotë se ai po gjykohet vetëm pse është shqiptar.
“Ne si familje gjatë gjithë kësaj kohe jemi duke punuar në mbrojtje të Nezirit, por në pamundësi për të shkuar në Serbi të shohim nga afër rrjedhën e këtij rasti, sepse me frikën ndaj pabesisë që mund të na ndodhë i njëjti fat si i vëllait tonë Nezir Mehmetaj. E di që kemi përkrahje morale nga populli dhe kjo na bënë më të fortë, por pos mbështetjes morale presim përkrahje serioze ligjore nga institucionet përkatëse”, thuhet në kërkesë.
Prokuroria e Serbisë ka ngritur aktakuzën me pretendimin se Mehmetaj ka kryer krime lufte gjatë vitit 1999 në fshatin Rudicë të Klinës.
Mehmetaj është arrestuar më 3 janar të këtij viti në pikëkalimin kufitar në Merdar dhe që nga atëherë është në paraburgim.
Avokatët mbrojtës të Mehmetajt, kanë thënë se është hera e tretë që Gjykata ia kthen Prokurorisë lëndën për plotësim, për t’ia dhënë edhe një shans për mbledhje të provave që nuk i ka e as që ekzistojnë.
Letra e plotë
Ministrisë së Punëve të jashtme, asaj të drejtësisë, zyrës ndërlidhëse, organizatës për të drejta të njeriut, avokatit të popullit, odës se avokatëve, faktorit ndërkombëtar, faktorit serb dhe mekanizmave përkatës që kanë mundësin të ndalojnë këtë paragjykim dhe paraburgim të padrejtë ndaj qytetarit të Republikës së Kosovës. Po ashtu i drejtohem ambasadave të huaja, mediave vendore dhe të huaja dhe ato të Serbisë, si dhe gjithë faktorëve që mund të ndikojnë në këtë situatë të ndjeshme.
Të nderuar nuk e di sa jeni të interesuar dhe në dijeni për rrjedhën e rastit, ka filluar gjykimi i rastit të Nezir Mehmetaj seanca e radhës është me datë 26 maj, besoi së çdo njeri normal e kupton se gjithçka në ketë rast është e padrejtë, sepse në ketë rast bëhet fjalë për shkeljet e të drejtave të njeriut dhunën psikike që po i bëhet qytetarit të Republikës së Kosovës, kto akte dhe këto akuza janë absurde nuk janë të drejta dhe janë të pafalshme sepse bëhet fjalë për rastin e Nezir Mehmetaj, shtetas i Republikës së Kosovës, ku pa asnjë fakt atij i është vazhduar paraburgimi deri me sot rresht për 15 muaj dhe ka filluar të gjykohet por realisht ky është vetëm si paragjykim jo i drejt dhe jo njerëzor në ketë rast Serbia po gjykon një qytetar të një shteti fqinjë apo të themi shkurt mos po gjykohet e paragjykohet vetëm e vetëm pse është shqiptar dhe pse i takon një familje shqiptare, neve si familje gjatë gjithë kësaj kohe në maksimum jemi duke punuar në mbrojtje të Nezirit, por në pamundësi për të shkuar në Serbi të shohim nga afër rrjedhën e këtij rasti, sepse me friken ndaj pabesisë që mund të na ndodh i njëjti fat si i vëllait ton Nezir Mehmetaj, e di shumë mirë qe kemi përkrahje morale nga populli dhe kjo na benë edhe me të fort, por pos mbështetjes morale presim të kemi përkrahje serioze ligjore nga institucionet përkatëse për qytetarin dhe vëllain tonë, e të tregojmë qe jemi shtet, po ashtu presim edhe përkrahje financiare nga shteti ynë sepse deri me sot janë shpenzuar shumë para për të cilat i kemi bërë publike edhe në prononcimet e mëhershme.
Jemi te befasuar se si një njeri i pafajshëm është duke qëndruar me muaj në paraburgim si pasoj e politikes ndërshtetërore mes Kosovës e Serbisë, me këto lojëra të dëmshme nga ana e pushtetit serb po shkelet e drejta e lëvizjes së lirë, nxitja e urrejtjes ,në mes të popujve, nuk guxon të lejohet që një qytetar si në këtë rast vëllai jonë dhe komplet familja të bie viktimë e politikave të dëmshme e ku pasojat nuk do i vuajnë vetëm shqiptarët por edhe serbet.
Kërkojmë nga ju qe të merreni seriozisht me këtë situatë, sepse situata është shumë serioze.
Lufta Prigozhin - Putin
Më shumëNga Rubrika
Hamza: Jam më i mirë se Kurti në qeverisje, kam përvojë më shumë se Abdixhiku – Haradinaj s’do të jetë kryeministër
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia
Gjendet e vdekur një grua në Obiliq, policia jep detaje
Pse Mali i Zi votoi kundër Kosovës në KiE, flet Dritan Abazoviq
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia
Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët
Tha se ditë të vështira e presin Serbinë, Vuçiq: Nesër ose pasnesër i merrni përgjigjet
Limaj: Nuk duhet të shkojmë në zgjedhje kur dëshiron Kurti
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes