Facebook ndërron emrin e kompanisë në Meta, por çfarë kuptimi ka kjo fjalë?

Facebook ka ndryshuar emrin e korporatës në Meta si pjesë e një riemërtimi të madh.

CEO i Facebook, Mark Zuckerberg tha se me kalimin e kohës, përdoruesit nuk do të kenë nevojë të përdorin Facebook për të përdorur shërbimet e tjera të kompanisë.

Lexo po ashtu Facebook ndryshon emrin e kompanisë në Meta

Ndryshimi nuk zbatohet për platformat individuale, si Facebook, Instagram dhe Whatsapp, vetëm kompania mëmë që i zotëron ato.

Fjala “meta” vjen nga fjala greke që do të thotë “përtej”, raporton bbc.

Për një të huaj, një metaverse mund të duket si një version i VR, por disa njerëz besojnë se mund të jetë e ardhmja e internetit.

Në vend që të jenë në një kompjuter, njerëzit në një metaverse mund të përdorin një kufje për të hyrë në një botë virtuale që lidh të gjitha llojet e mjediseve dixhitale.

Lexo po ashtu Mark Zuckerberg zbulon vizionin për të ardhmen e Facebook

Shpresohet se bota virtuale mund të përdoret praktikisht për çdo gjë, nga puna, loja dhe koncertet, deri te shoqërimi me miqtë dhe familjen.

Facebook tha se synon të fillojë tregtimin e aksioneve të saj sipas treguesit të ri të aksioneve MVRS nga 1 dhjetori. /Telegrafi/