Vetëm katër ditë pasi Kosova kishte shpallur pavarësinë i kishte ardhur edhe njohja nga Estonia. Bizneset e këtij shteti kanë bërë edhe disa investime në Kosovë në mesin e të cilave është edhe “IuteCredit”, e cila u mbyll me një vendim të Bankës Qendrore të Kosovës.
Për këtë veprim të Kosovës është interesuar Qeveria estoneze. Ministria e Jashtme e Estonisë ka kërkuar shpjegime nga Kosova pse është mbyllur ky biznes duke përdorur veprimet e skajshme ligjore.
Kryediplomati estonez, Matti Maasikas, para disa ditësh i ka telefonuar Ministrit të Punëve të Jashtme të Kosovës, Behgjet Pacollit, nga i cili ka kërkuar shpjegime se pse shteti kosovar mbylli një biznes të Estonisë në Kosovë “IuteCredit”.
Zyrtarë të Ministrisë së Punëve të Jashtme të Kosovë kanë konfirmuar bisedën e Pacollit me Urmas Reinsalu. Kanë thënë se temë e telefonatës ka qenë edhe mbyllja e “IuteCredit”. Kanë thënë se përgjigja e Pacollit për shefin e dioplmacisë estoneze ka qenë se Kosova ka vepruar bazuar në ligjet e aplikueshme.
Madje, edhe nivele tjera të diplomacisë estoneze janë angazhuar për të kërkuar sqarime se pse Banka Qendrore e Kosovës mbyllu biznesin “IuteCredit”.
Edhe Sektretari i Përgjithshëm i Ministrisë së Punëve të Jashtme të Estonisë Rainer Saks i është drejtuar homologut të tij kosovar në MPJ, Fitim Sadikut, nga i cili ka kërkuar informacione shtesë se çka ka ndodhur me “IuteCredit”. Ka kërkuar sqarime se pse është mbyllur një biznes i një vendi të BE’së kur dihen edhe raportet e mira Kosovë-Estoni.
Saks ka përmendur në fillim të letrës gjithë ndihmën e shtetit estonez ndaj Kosovës, duke filluar nga njohja, ndihmën në fushën e sundimit të ligjit, ndihmën ne anëtarësimin në organizata ndërkombëtare e deri te ndihmat financiare.
Ky zyrtar estonez ka kërkuar nga shteti i Kosovës sqarime pse është mbyllur “IuteCredit” derisa ka thënë se pret shpjegime nga Kosova se çka mund të bëjë shteti estonez për të kthyer aktivitetin e kësaj kompanie në Kosovë.
“Masat e marra dhe çështjet e ngritura nga Banka Qendrore e Kosovës kanë qenë proporcionale, dhe janë adresuar nga kompania. Vendimi që është marrë më 6 dhjetor 2019 është një masë e shkallës së fundit. Nuk duket të ketë pasur ndonjë proces paraprak të bazuar në ligjet që janë në fuqi që përshkruajnë qartë rrjedhën e procesin. Sa për dijeninë tonë, asgjë nuk e garanton një veprim të tillë”, thuhet në letrën e shkruar.
Avokati i ardhur nga Estonia, Rauno Kinkar, ka paralajmëruar mundësinë e prishjes së raporteve diplomatike për shkak të mbylljes së “IuteCredit” derisa ka bërë thirrje të ndalet procesi i likuidimit të biznesit estonez.
“Kjo tani është shndërruar në çështje ndërkombëtare dhe diplomatike. Estonia e ka njohur Kosovën ndër vendet e para. Ministri i punëve të jashtme e ka kontaktuar ministrin e jashtëm këtu në Kosovë. Kjo nuk është koha për përleshje diplomatike, ne jemi këtu që të gjejmë zgjidhje miqësore dhe procesi i likuidimit të ndërpritet dhe të shmangen dëmet e tjera të Iute Credit”, ka thënë Kinkar.
Avokatët e “IuteCrdit” kanë kërkuar, po ashtu, të respektohen rregullat ligjore me rastin e këtij biznesi. Kanë thënë se nëse s’respektohen rregullat do ta çojnë vendimin në Arbitrazh.
Lufta Prigozhin - Putin
Më shumëGazetari britanik tregon nëse mund të ketë luftë në Kosovë dhe Bosnjë
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Cvijanoviq: Qëndrimi i Bosnjës e Hercegovinës për anëtarësimin e Kosovës në Këshillin e Evropës duhet të jetë neutral
Kurti pas telefonatës me Macron: Besojmë që Franca ta mbështesë Kosovën në KiE pa parakushte
Goditi 42 herë me thikë ish-të dashurën në Vjenë, gjykata e dënon me 15 vjet burgim shqiptarin nga Kosova
Zbulohet shifra që u pagua Alma Kaçi për të kryer marrëdhënie seksuale me Safet Gjicin: Ia morën videon me forcë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert