‘Është e kotë të takohemi sërish’ – fjalët e drejtorit të Juves drejtuar agjentit të Dybalas

Sipas gazetave italiane, Il Corriere dello Sport dhe La Repubblica, drejtori i Juventusit, Federico Cherubini, e ka konfirmuar vendimin për t’i ndarë rrugët me Paulo Dybalan përmes një telefonate me agjentin e tij.

Aventura e ‘La Joya’ te Zonja e Vjetër do të mbarojë më 30 qershor 2022 kur edhe i skadon kontrata, pas shtatë vitesh të kaluara te Bianconerët.

Bisedimet për rinovim nuk kanë përparuar, ndërsa në takimin e fundit me përfaqësuesit e lojtarit, Juve i qëndroi ofertës së ndryshuar për pagë më të ulët fikse dhe kohëzgjatje më të shkurtër, dhe nuk bëri propozim të ri.

Lexo po ashtu Dybala po e përjeton trajtimin e ngjashëm me Del Pieron në largimin e tij nga Juventusi

Jorge Antun dhe Carlos Novel u takuan me drejtorët e klubit në Continassa të hënën. Andrea Agnelli nuk mori pjesë në takim dhe ishte parë duke u larguar nga zyrat para arritjes së përfaqësuesve të lojtarit dhe ishte kthyer disa minuta pas largimit të tyre.

Il Corriere dello Sport dhe La Repubblica raportojnë se Juve nuk ka shprehur interesim për një takim tjetër, porse Cherubini i ka thënë Antunit në telefon: “Është e kotë të takohemi sërish, ne nuk e kemi ndërmend ta mbajmë atë”.

Njëherësh, në një bisedë me Sky Sport Italia të hënën, shefi ekzekutiv, Maurizio Arrivabene, deklaroi se Dybala nuk është më në qendër të planit të klubit për të ardhmen. /Telegrafi/

"E' inutile che ci rivediamo: non abbiamo proprio intenzione di tenerlo": così #Cherubini al telefono ha chiarito all'agente di #Dybala che la #Juventus aveva preso la decisione di non presentare un'offerta dopo che nell'incontro erano state spiegate le strategie (#Repubblica) pic.twitter.com/WPGdvXsD0K

— Giovanni Capuano (@capuanogio) March 22, 2022