LAJMI I FUNDIT:

Erdogan thotë se është i hapur për takimin me al-Asad, por jo për tërheqjen nga Siria

Erdogan thotë se është i hapur për takimin me al-Asad, por jo për tërheqjen nga Siria

Presidenti turk Rexhep Tajip Erdogan thotë se është i hapur për bisedime me presidentin sirian Bashar al-Assad, por nuk do ta takojë atë nëse do të vihej si kusht tërheqja e trupave turke nga territori sirian.

Duke folur me gazetarët në Stamboll të hënën përpara nisjes së tij për një vizitë tre-ditore në Arabinë Saudite, Katar dhe Emiratet e Bashkuara Arabe, Erdogan tha se Turqia nuk i ka “mbyllur kurrë derën” diskutimeve me qeverinë siriane, përcjell Telegrafi.

Turqia ka qenë aleati më i madh ushtarak dhe politik i opozitës siriane, e cila kontrollon bastionin e fundit të mbajtur nga rebelët në vend, i cili është në veriperëndim të Sirisë në kufirin turk.


Ankaraja ka ngritur dhjetëra baza dhe ka vendosur mijëra trupa në veri të Sirisë, duke penguar ushtrinë siriane të mbështetur nga Rusia të rimarrë rajonin. Turqia ka qenë gjithashtu një bazë për grupet opozitare siriane që nga viti 2011.

“Ne mund të mbajmë një samit katërpalësh [me Sirinë, Rusinë dhe Iranin] dhe unë jam gjithashtu i hapur për një takim me Asadin. Ajo që ka rëndësi këtu është qasja e tyre ndaj nesh”, u tha Erdogan gazetarëve.

Megjithatë, kushti i Damaskut për një tërheqje të plotë të forcave turke për një takim të tillë është “i papranueshëm”, tha ai.

Erdogan fillimisht tha këtë vit se ai mund të takohej me al-Asadin si pjesë e një procesi të ri paqeje, por al-Assad tha në mars se nuk kishte kuptim në një takim me Erdogan derisa të përfundonte “pushtimi i paligjshëm” nga ana e Turqisë.

Turqia ka thënë se operacionet e saj ushtarake në Siri kanë qenë të nevojshme për të siguruar kufirin e saj jugor. /Telegrafi/

Në trend Botë

Më shumë
Shikoni reagimin e Zelenskyt kur Biden iu referua liderit ukrainas si

Shikoni reagimin e Zelenskyt kur Biden iu referua liderit ukrainas si "presidenti Putin"

Amerika
Vdekja 'e papritur': Gjendet i vdekur gjenerali që vlerësohej si dëshmitar kyç në një skandal të madh korrupsioni në Ministrinë ruse të Mbrojtjes

Vdekja 'e papritur': Gjendet i vdekur gjenerali që vlerësohej si dëshmitar kyç në një skandal të madh korrupsioni në Ministrinë ruse të Mbrojtjes

Botë
Jep dorëheqje gazetarja që e intervistoi Bidenin - ajo bëri pyetje që ia kishte kërkuar ekipi i presidentit

Jep dorëheqje gazetarja që e intervistoi Bidenin - ajo bëri pyetje që ia kishte kërkuar ekipi i presidentit

Amerika
Sekreti i errët i Las Vegasit: Rrugët shkëlqejnë nga luksi ndërsa në tunelet e nëndheshme po luftohet për jetë

Sekreti i errët i Las Vegasit: Rrugët shkëlqejnë nga luksi ndërsa në tunelet e nëndheshme po luftohet për jetë

Amerika
Si mund të zëvendësohet Biden, sipas rregullave të demokratëve

Si mund të zëvendësohet Biden, sipas rregullave të demokratëve

Amerika
Çfarë deklaruan liderët botërorë për performancën e Bidenit në samitin e NATO-s?

Çfarë deklaruan liderët botërorë për performancën e Bidenit në samitin e NATO-s?

Botë
Kalo në kategori