Erdogan ofron të ndërmjetësojë bisedimet e paqes Rusi-Ukrainë, por refuzohet nga Zelensky

Presidenti ukrainas, Volodymyr Zelensky, mbetet i vendosur që të mos angazhohet drejtpërdrejt në bisedimet e paqes me Rusinë, pavarësisht ofertës së presidentit turk për të organizuar një samit paqeje mdisi dy vendeve.

Presidenti turk, Recep Tayyip Erdogan, i ka ofruar organizimin e një samiti paqeje midis dy vendeve gjatë vizitës së Zelenskyt në Turqi.

“Që nga fillimi, ne kemi kontribuar aq sa mundëm në përfundimin e luftës përmes negociatave. Ne jemi gjithashtu të gatshëm të presim një samit paqeje në të cilin do të përfshihet edhe Rusia”, tha Erdogan.

Por, Ukraina mbetet e vendosur të mos angazhohet drejtpërdrejt me Rusinë në bisedimet e paqes, shkruan euronews, përcjell Telegrafi.

Ukrayna Devlet Başkanı Sayın Zelenski’yi geçen sene Temmuz ayından sonra yeniden ülkemizde misafir etmekten memnuniyet duyuyorum.

İstişarelerimizin başta ülkelerimiz olmak üzere tüm insanlık için hayırlara vesile olmasını diliyorum. ????… pic.twitter.com/fetiEQZK4c

— Recep Tayyip Erdoğan (@RTErdogan) March 8, 2024

Zelensky tha se çdo negociatë paqeje duhet të jetë në përputhje me planin 10 pikësh që ai e ka sugjeruar më parë, ku përfshihet siguria ushqimore, rivendosja e integritetit territorial të Ukrainës, tërheqja e trupave ruse, lirimi i të gjithë të burgosurve, formimi i gjykatës për ata që janë përgjegjës për agresionin, dhe garancia e sigurisë për Ukrainën.

Presidenti ukrainas ka vizituar edhe kantieret detare ku po ndërtohen anijet për marinën ukrainase.

Në një postim në X, ai tha se ka arritur marrëveshje për projekte të përbashkëta të mbrojtjes me qeverinë turke e cila është shprehur në mbështetje të “integritetit territorial, sovranitetit, dhe pavarësisë së Ukrainës”.

Vizita e Zelenskyt në Turqi vjen pasi ai dhe zyrtarë tjerë ukrainas po u bëjnë presion kombeve për t’i furnizuar me armatim.

Kjo pasi sipas Ukrainës, ndihma “pikë pas pike” nuk funksionon më.

Ndryshe, menjëherë pas pushtimit të Ukrainës nga Rusia në vitin 2022, Turqia organizoi një takim midis ministrave të jashtëm rus dhe ukrainas.

Më vonë, shteti turk ndërmjetësoi një marrëveshje që lejonte dërgimin e drithërave në Ukrainë përmes Detit të Zi. Megjithatë, Rusia u tërhoq nga marrëveshja vitin e kaluar. /Telegrafi/

Talks between Ukraine and Türkiye are always sincere and fruitful. Today, we have reached agreements on joint defense projects both at the government level and between companies.

I met with the Turkish defense industry representatives. We are prepared to move quickly to put… pic.twitter.com/mDpYDDEnwi

— Volodymyr Zelenskyy / Володимир Зеленський (@ZelenskyyUa) March 8, 2024