Turqia ka nevojë për një kushtetutë të klasit të parë që do të plotësojë demokracinë, ekonominë dhe liritë e saj të klasit të parë, tha presidenti i këtij vendi, Recep Tayyip Erdogan.
“Kur Parlamenti të fillojë punën pas pushimit veror, ne do të rifillojmë nismën tonë për të sjellë një kushtetutë të re në demokracinë turke, e cila është ëndrra jonë që nga viti 2011”, tha ai.
Ai ftoi ligjvënësit turq, partitë politike, gjykatat e larta, universitetet, institucionet qeveritare dhe shumë juristë që të kontribuojnë në këtë proces.
“Shteti i ligjit është vija jonë e kuqe. Është detyra jonë të rrisim besimin në gjyqësor dhe të parandalojmë dënimin publik”, tha lideri turk.
Që nga themelimi i tij, shteti modern turk është qeverisur nga katër kushtetuta, e para prej të cilave u miratua në vitin 1921 dhe u ndryshua në 1924 dhe 1961, përpara hyrjes në fuqi të Kushtetutës së vitit 1982.
Grushti i përgjakshëm i vitit 1980, i cili dërgoi në burgosjen e qindra mijëra njerëzve, së bashku me gjyqet masive, torturat dhe ekzekutimet, ende përfaqëson një periudhë të errët në historinë politike turke.
Kushtetuta e vitit 1982 që atëherë është modifikuar për të mbajtur ritmin me tendencat gjeopolitike globale dhe rajonale. Ndryshimet më të fundit u prezantuan pas referendumit të vitit 2017, duke përfshirë kalimin nga një sistem parlamentar në një sistem presidencial. /Telegrafi/
Promo
Reklamo këtuLufta Prigozhin - Putin
Më shumëNga Rubrika
E modifikuan duke shpresuar se nuk do të arrijnë ta shkatërrojnë, tanku rus “shkeli” në minat ukrainase
Turbulenca të forta gjatë udhëtimit me aeroplan Londër-Singapor, humb jetën një person dhe mbi 30 të lënduar
Iranianët dalin në rrugë për t’i dhënë lamtumirën e fundit presidentit Ebrahim Raisi
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251