Endrick paralajmëron largimin nga Real Madridi

Sulmuesi i Real Madridit, Endrick ka shprehur shqetësime për shanset e tij për të luajtur për Brazilin në Kupën e Botës 2026.

Në një intervistë me Romario, talenti i ri pranoi se ishte i shqetësuar për perspektivat e ekipit të tij kombëtar.

“Të jem i sinqertë, shpesh mendoj për mundësinë që të mos futem në skuadrën e Kupës së Botës”, deklaroi fillimisht sensacioni i Real Madridit.

“Ti (duke iu drejtuar Romarios) ke kaluar diçka të ngjashme – babai im madje më tha që shpresonit për një thirrje në 1998, por nuk e morët një”.

“Kam të njëjtën frikë sepse është ëndrra ime. Unë dua të luaj në Kupën e Botës dhe të ndihmoj Brazilin të fitojë titullin e gjashtë”.

“Sigurisht, të jesh në klubin më të madh në botë, me lojtarët më të mëdhenj, do të thotë që nuk ke gjithmonë kohë për të luajtur”.

“Por sa herë që luaj, dua të tregoj veten dhe të fitoj vendin tim në ekipin kombëtar. Shpresoj që vitin e ardhshëm t’ia dal, dhe nëse është vullneti i Zotit, do ta fitojmë Kupën e Botës”, shtoi Endrick. /Telegrafi/