Ekspozohen në internet ID-të, emrat dhe numrat e telefonit të 267 milionë përdoruesve të Facebookut

Regjistrimet e qindra miliona përdoruesve të Facebook-ut u zbuluan në një forum online në një faqe interneti.

Baza e të dhënave përmbante ID-të, numra telefoni dhe emra të plotë të 267 milionë përdoruesve, shumica e të cilëve banojnë në SHBA, transmeton Telegrafi.

Megjithëse nuk është akoma e qartë se si u ekspozua informacioni i ndjeshëm, ekspertët spekulojnë se baza e të dhënave u përpilua përmes një procesi të paligjshëm të quajtur ‘scraping’ – ku robotë të automatizuar kopjuan informacionin publik nga profilet e Facebook.

Rrjedhja u zbulua nga firma e sigurisë në internet Comparitech në partneritet me studiuesin e sigurisë Bob Diachenko.

“Diachenko beson se prova e të dhënave ka shumë të ngjarë të jetë rezultat i një operacioni të paligjshëm ose abuzimi të Facebook nga kriminelët në Vietnam, sipas provave”, tha Paul Bischoff.

Menjëherë pasi u zbuluan informacionet, Diachenko u drejtoi autoriteteve të duhura që të hiqnin qasjen në bazën e të dhënave.

Sidoqoftë, duket se të dhënat ishin të ekspozuara për gati dy javë para se të hiqen.

Sipas një afati kohor të bërë nga Comparitech, baza e të dhënave u indeksua për herë të parë më 4 dhjetor dhe nuk u mbyll deri më 19 dhjetor.

Rreth 267.140.436 regjistrime u ekspozuan, shumica prej të cilëve ishin të përdoruesve që jetojnë në SHBA – dhe Diachenko tha se të gjitha të dhënat duket se ishin të vlefshme.

Diachenko i tha Comparitech: ‘Facebook gjithashtu mund të ketë një vrimë sigurie që do t’u lejonte kriminelëve të hynin në ID të përdoruesve dhe numrat e telefonit edhe pasi të ishte kufizuar qasja’.

Mënyra tjetër mund të ketë qenë që kriminelët kanë përdorur një proces të paligjshëm të quajtur ‘scraping’. /Telegrafi/