Ekrani i Galaxy Fold u dëmtua një ditë pas përdorimit

Samsung Galaxy Fold fillimisht ishte menduar të lansohej në fillim të këtij viti, por për shkak të qëndrueshmërisë dhe çështjeve të zhvillimit, Samsung tërhoqi telefonin për të provuar të rregullonte disa nga dobësitë e tij. 

Telefoni pritet të dalë nesër në SH.B.A por duket se të paktën njëra prej njësive të ri-lansuara tashmë është dëmtuar.

Sipas një raporti nga Brian Heater i TechCrunch, duket se pas rreth një dite përdorimi të Galaxy Fold, ekrani tashmë ka pësuar disa dëme. 

Siç mund ta shihni në fotografinë e mësipërme, duket se ka një grup pikselësh në mes të ekranit që duket sikur janë dëmtuar.

Ndërsa madhësia e dëmit është më pak se një centimetër përtej, mund të imagjinohet se sa më keq mund të jetë me kalimin e kohës. 

Sipas Heater, ai nuk e lëshoi ​​ose dëmtoi telefonin në asnjë mënyrë kështu që dëmi mund të ishte shkaktuar gjatë mbylljes/palosjes së pajisjes. 

Që nga ajo kohë Samsung e ka marrë telefonin përsëri për të parë se çfarë nuk shkoi.

Samsung paralajmërojnë përdoruesit në lidhje me telefonin dhe se si ta trajtojnë atë si duhet. 

Paketimi i telefonit erdhi me një ton udhëzimesh dhe paralajmërimesh se si të trajtoni ekranin, megjithëse dëmtimi i tij pas përdorimit të një dite është mjaft shqetësues.  /Telegrafi/