Eko-aktivistët kërkojnë mbylljen e deponisë Rusino

Eko-aktivistët marshuan nëpër rrugët e Gostivarit sot me pankarta dhe paralajmëruan rrezikun e deponimit të pakontrolluar të mbeturinave në deponinë rajonale Rusino. Disa prej tyre erdhën me makinë para hyrjes së deponisë dhe kërkuan mbylljen e saj.

Nisma e qytetarëve “Stop Rusino-Ajër të pastër në Gostivar”, e cila u organizua përmes rrjeteve sociale, u dërgoi një mesazh institucioneve kompetente për të gjetur një zgjidhje për, siç thanë ata, problemin e kahershëm të Gostivarit – djegien dhe ekzistencën e vrasësit të heshtur, deponisë jo standarde Rusino.

Kërkesat e iniciativës janë: mbyllja e deponisë, qasja moderne e administrimit të mbeturinave, gjetja e një zgjidhje për mbeturinat që do të mbetet pas mbylljes dhe një lokacion i ri për deponitë sipas standardeve të BE-së.

“Rusino nuk është deponi. Rusino është vetëm një vend ku ruhen të gjitha llojet e mbeturinave. Rusino po digjet vazhdimisht dhe ne dyshojmë se mbeturinat po digjen sepse pas njëzet viteve të përdorimit, kapaciteti është tashmë i mbushur. Situata është shkatërruese dhe ekologjikisht e palejueshme dhe e dëmshme për shëndetin e banorëve të Gostivarit.

Njohuritë tona tregojnë për një situatë katastrofike me tokën në këtë zonë. Ka studime, rezultatet e të cilave tregojnë ndotje të madhe. Uji kafe dhe i ndotur rrjedh përgjatë lumit. Në Gostivar është bërë përditshme: mbyllni dritaret, po helmohet, digjet Rusino. Pra ndodh ndotje e plotë e ujit, uji nëntokësor, tokës dhe ajrit”, tha eko-aktivistja eko Valentina Sgterjoska./Telegrafi/