Ekipi mjekësor i Bidenit do ta luftojë COVID-19 duke u bazuar në “shkencë dhe fakte”

Joe Biden ka zgjedhur për udhëheqëse të Qendrave Amerikane për Kontrollin dhe Parandalimin e Sëmundjeve (CDC), Rochelle Walensky.

Kjo e fundit ka shkruar në llogarinë personale në Twitter se ndihet e nderuar me besimin që ka treguar presidenti i zgjedhur, Biden.

“Jam e nderuar që jam thirrur të drejtoj ekipin brilant në CDC. Ne jemi të gatshëm ta luftojmë këtë virus me shkencë dhe fakte”, pohoi mjekja.

I began my medical career at the height of the HIV/AIDS crisis, and I've spent my life ever since working to research, treat, and combat infectious diseases.

I'm honored to be called to lead the brilliant team at the CDC. We are ready to combat this virus with science and facts.

— Rochelle Walensky, MD, MPH (@RWalensky) December 7, 2020

Ajo ka treguar se karrierën mjekësore e ka filluar në kulmin e krizës së sëmundjes së Sidës, transmeton Telegrafi.

“Unë fillova karrierën time mjekësore në kulmin e krizës së HIV/AIDS dhe kam kaluar jetën time që prej asaj kohe duke punuar për të hulumtuar, trajtuar dhe luftuar sëmundjet infektive”, shkroi Walensky në Twitter.

Walensky është eksperte e sëmundjeve infektive që punon në Shkollën Mjekësore të Harvardit dhe Spitalin e Përgjithshëm të Massachusetts. /Telegrafi/