Edicioni i nëntë i festivalit Anibar

Me 13 gusht 2018, në qytetin e Pejës, për të nëntin vit me radhë do të fillojë Festivali Ndërkombëtar i Animacionit – Anibar. Ne këtë edicion Anibar do të mirëpres një numër të madh të filmave të animuar, të cilat do të shfaqen në kinematë e mbyllura dhe të hapura të improvizuara.

Përveç promovimit të animacionit si teknikë, Anibar mundon që me anë të filmave të shfaqur të trajtojë tematika të ndryshme sociale, ekonomike, mjedisore dhe të inkurajojë debate në shoqëri.

Këtë edicion Anibar ka vendosur të nxjerr në pah problemin global të pabarazisë gjinore në fushën e animacioneve.

Sipas organizatës Woman in Animation, “Gratë përbëjnë 60 për qind të studentëve të animacionit, por vetëm 20 për qind e animatoreve janë gra.”

Gjatë ditëve të festivalit, anëtarët e jurisë dhe profesionistë të animacionit do të mbajnë debate të hapura për çdokënd që është i interesuar të mësojë më shumë për animacionin dhe si mund të përdoren filmat e animuar që të paraqesim jetën tonë të përditshme.

Për ata që do të udhëtojnë në Pejë për të ndjekur festivalin dhe për të shijuar atraksionet natyrore dhe kulturore të qytetit, Anibar ka një kamp për vizitorët dhe vullnetarët në Parkun e Qytetit. Vendndodhja e kampit është e përshtatshme pasi është afër kinemasë dhe organizimeve muzikore të festivalit. /Telegrafi/