Edhe pse i plagosur, ushtari ukrainas arrin të futet në istikame dhe ta eliminojë rusin që vazhdimisht qëllonte mbi të

Luftimet e ashpra në lindje të Ukrainës po vazhdojnë, ku të dyja palët po mëtojnë ta mbajnë nën kontroll këtë rajon.

E një video e filmuar nga droni shfaq ushtarin ukrainas i cili ishte plagosur gjatë luftimeve, por që nuk hoqi dorë nga kryerja e detyrës së tij – pra eliminimi i ushtarëve rusë në istikame, transmeton Telegrafi.

Pavarësisht se ishte plagosur dhe çalonte e mezi arrinte të qëndronte këmbë, nuk u dorëzua për asnjë moment. Ai qëllohej vazhdimisht nga ushtari rus që ishte pak metra larg tij, por ukrainasi nuk u dekurajua dhe vazhdoi misionin e tij.

Pasi u fut në istikame, ushtari rus e kishte vërejtur dhe vazhdimisht qëllonte breshëri plumbash në drejtim të tij. Megjithatë ai arrin të fshihet dhe sapo konstaton se është momenti i duhur i vërsulet rusit, të cilin e eliminon.

Lexo po ashtu Zyra e presidentit ukrainas publikon videon, që tregon pse lufta në Ukrainë nuk është një konflikt i zakonshëm

Një vullnet të tillë për çlirimin e vendit dhe trimëri të madhe është parë tek shumica e ushtarëve ukrainas që nga fillimi i luftës.

Ata për asnjë moment nuk janë duke pranuar t’i nënshtrohen forcave të Vladimir Putinit, dhe deri më tani i kanë shkaktuar humbje të mëdha si në njerëz ashtu dhe në makineri luftarake.

E Vladimir Putinit kishte menduar në fillim të luftës së për tri apo katër ditë do të arrijë ta pushtojë Kievin, por që llogaritë nuk i dolën si i kishte menduar.

Një vit pas fillimit të luftës, rusët nuk janë as afër kryeqytetit ukrainas dhe deri më tani kanë arritur të mbajnë disa qyteza në lindje të vendit. /Telegrafi/