E zgjodhi për ta rikthyer në lojë, G Bani tani ndërron mendim për Gjestin – e quan lojtar të shkëlqyer

G Banit dhe gjashtë banorëve të tjerë i është dhënë një mundësi së fundmi nga Gjesti për t’u rikthyer në shtëpi.

Kjo për shkak që hapi ‘valixhen e tundimeve’, ku zgjodhi shtatë konkurrentë, ndonëse tre prej tyre do të kthehen sërish në atë format.

Pas këtij veprimi të këngëtarit, reperi duket se ka ndërruar tërësisht fjalët për të.

Pasi në intervistat që ka dhënë pas përjashtimit, ai tha se nuk i bie pishman për gjestin ndaj banorit nga Kosova, gjersa tani thotë fjalët më të mira.

G Bani thekson se Gjesti është lojtar i shkëlqyer dhe se ka treguar forcë karakteri, e që nuk ka frikë nga loja.

Lexo po ashtu Gjesti zgjedh për t'i rikthyer: Redonin, G Banin, Jozin, Amberin, Klajdin, Krisën dhe Gertin, banorët shkojnë në televotim

“Nëse do të ekzistojë ky rikthimi, nuk besoj se njeriu përpara se të marrë një okej shumë të madhe siç është nga publiku, në trurin tim e mendoj si mundësi si opsion, nuk kam ndonjë ndjesi të veçantë për momentin”, u shpreh G Bani.

Ish-banori tutje tha: “Gjesti nuk më ka dhënë një shans mua, sepse nuk e lë veten time të më jap një shans jo vetëm Gjesti, por askush. Gjesti i ka dhënë një shans lojës se vet, është një lojtar me këllqe që ato coftina e tjera që janë aty brenda, asnjëri nga ta nuk do kishte forcën edhe besimin te vetja ta bënte, ata që sillen korrekt. Ai ka vetëbesimin me bë diçka të tillë ngaqë është edhe vet i involvuar në këtë situatën mes meje dhe atij dhe kta të zgjuarit që e kanë zgjedh për lider për arsye se nuk bën punët e shtëpisë apo për arsye se vjedh cigaret, nuk e di për cilën arsye e kanë zgjedhur. Sidoqoftë, ata janë kthyer në fansat e Gjestit, Gjestit bravo i qoftë se po bën një lojë të shkëlqyer për veten e tij por është për të ardhur keq sa të mirë janë oborrtarët e tij”.

Mes tjerash shtoi: “Gjesti ka treguar forcë karakteri, që nuk ka frikë nga loja. Dy lojtarë më pëlqejnë aty për lojën që bëjnë që janë ekstrem me njëri-tjetrin, është Gjesti i cili është provokativ në një milion për qind dhe Danja që ka zgjedhur një lojë me fjalor më të përmbajtur, vetëm kur detyrohet të ngre zërin”. /Telegrafi/