E quan veten “veterane të kirurgjisë plastike”, modelja Katie Price fotografohet duke dalë nga spitali me fashë në kokë dhe sy të nxirë

Katie Price u fotografua duke dalë menjëherë pasi kishte bërë një ngritje të syve dhe vetullave, duke fashë të madhe në kokë dhe me dy sy të nxirë.

Modelja magjepsëse 42-vjeçare, e cila iu nënshtrua briskut estetik në Belgjikë, i kishte fshehur flokët me shtresa fashash teksa largohej nga prona e saj me qira në Surrey duke mbajtur dy qentë e saj – Sid dhe Buddy – të mërkurën pasdite, shkruan DailyMail.

Katie, e cila ka qenë gjithmonë e sinqertë në lidhje me listën e saj të gjatë të operacioneve që përfshin: zmadhimin e gjoksit, liposuksion dhe një heqje të dhjamit të këmbëve, dukej në gjendje jo të mirë te sytë, pasi kishte mavijosje.

Operacioni i fundit vjen disa ditë pasi Katie hapi një llogari të re në rrjetin social OnlyFans dhe promovoi sipërmarrjen e saj të re.

Dr Judy Todd, një mjeke kryesore estetike në ‘Clinica Medica’ në Glasgow, tha: “Duket sikur ajo ka bërë një ngritje të fytyrës, heqje të përkohshme të vetullave dhe ndoshta një blefaroplastikë të sipërme. Të gjitha këto do të ngrinin tiparet në një pozicion më rinor, do të ngrinin vetullat dhe do të reduktonin çdo lëkurë të varur në qepallën e sipërme”.

“Ajo aktualisht ka vënë një fashë me presion, e cila është në të gjithë zonën ku do të ishin qepjet. Kjo lloj mavijosjeje rreth syrit ndodh shpesh me këto procedura, por efektet janë vetëm të përkohshme dhe priren të zhduken brenda shtatë deri në 10 ditë”.

“Por disa pacientë mund të përjetojnë ënjtje dhe mavijosje për disa javë pas operacionit, por kjo në fund të fundit do të varet nga procesi i shërimit të pacientit dhe kujdesi i rikuperimit pas operacionit”, ka thënë doktoresha Todd.

Katie kishte veshur një komplet tutash ngjyrë rozë, të ndara në mes të cilat vinin në pah barkun e saj të tonifikuar.

U raportua muajin e kaluar se Katie kishte në plan të udhëtonte menjëherë në Turqi për më shumë operacione plastike, mes pretendimeve se ajo donte të bënte disa ndryshime pasi ishte e pakënaqur me punën që kishin bërë mjekët në ndërhyrjen e saj të fundit plastike.

Një shoqe e Katiet thuhet se i tha tabloidit britanik The Sun: “Katie po u thotë të gjithëve se mendon se implantet e saj të këmbës e bëjnë atë të duket shumë e madhe dhe dëshiron që ato të largohen – plus dëshiron më shumë lipo”.

Megjithatë operacioni i fundit i Katiet ishte në fytyrën e saj, jo në trupin e saj siç kishte sugjeruar shoqja e saj.

E njëjta shtoi: “Kur Katie ka një ide në kokën e saj, ajo thjesht e bën atë. Kush e di nëse ajo me të vërtetë do ta kalojë atë, por ajo u ka thënë miqve se do të shkojë”.

Nëna e pesë fëmijëve vizitoi Turqinë për herë të fundit vetëm gjashtë muaj më parë, ku iu nënshtrua liposuksionit të plotë të trupit, liftimit të syve dhe buzëve, liposuksionit nën mjekër dhe i ishte injektuar yndyrë në barkun e saj.

Pas operacionit të Katiet verën e kaluar ajo u tha se kishte ‘dhimbje të tmerrshme’, por modelja pranoi se ishte ende e përgatitur për të hyrë përsëri nën brisk.

Kur u pyet nëse procedura e kishte bërë të ndërronte mendje, Katie tha: “Jo, do ta bëja përsëri… ndoshta pas pesë deri në dhjetë vjetësh”. Megjithatë, duket se planet e saj janë përshpejtuar, pasi ajo iu nënshtrua një procedure tjetër vetëm gjashtë muaj më vonë.

Katie iu nënshtrua liftingut të katërt të fytyrës verën e kaluar dhe ajo xhiroi në një video shtrirjen e operacionit kozmetik për 346,000 abonentët e saj në rrjetet sociale, duke përfshirë edhe pjesën e dytë të serisë, që tregon momentin kur modelja magjepsëse del nga operacioni.

Teksa po dilte në një karrige me rrota nga një ashensor spitalor dhe në dhomën e saj, Katie rënkoi dhe dridhej nga agonia.

Duke i thënë Carlit se ajo ishte ‘aq e ftohtë’ pasi trupi i saj dridhej, nëna e pesë fëmijëve u duk se zgjohej dhe më pas flinte prapë.

Pasi pa gruan e tij të ardhshme në aq shumë dhimbje, Carl pranoi se kishte vendosur të anulonte operacionin që ishte planifikuar të bënte, duke pranuar: “Unë as nuk e di se çfarë prisja, por ajo duket sikur ka kaq shumë dhimbje”.

Në vitin 2017, Katie iu nënshtrua ndryshimit të parë të fytyrës së saj duke u trajtuar te një kirurg plastik me bazë në Londër.

Dy vjet më vonë, në maj të vitit 2019, ylli pranoi se trupi i saj ishte ‘i neveritshëm’ – dhe fluturoi në Turqi për të bërë liftingun e dytë të fytyrës.

Ajo bëri ndërhyrjen e tretë në fytyrë në vitin 2019.

Katie e quajti veten një “veterane e kirurgjisë” pas operacioneve të panumërta, duke përfshirë tre liftinge të fytyrës dhe tre ndërhyrje liposuksioni.

Ajo pranoi se nuk i kujtohet se sa shumë ka pasur punë me gjoksin e saj, por beson se në total janë 12 ndërhyrje që ka bërë aty, ndërsa këmbënguli që botoksi nuk funksionon më tek ajo pasi e ka pasur kaq shumë herë që nga mosha 30-vjeçare.

Diku tjetër, është pohuar se modelja e lindur në Brighton shpreson se prania e saj në rrjetin social për të rritur, OnlyFans, do të ndihmojë në pastrimin e borxheve të saj.

Regjistrimi i saj në sit u zbulua në një konferencë shtypi të mërkurën e kaluar dhe Katie thuhet se është e ‘mbytur’ nga ‘sasia e madhe e interesit’ në llogarinë e saj në këtë rrjet social.

Një burim i tha The Sun: “Shenjat fillestare janë të mira dhe interesi nga fansat e ka qenë i madh për Katien. Ajo me të vërtetë është duke u fokusuar në shfrytëzimin sa më të mirë të kësaj mundësie dhe mendon se mund të bëjë shumë mirë këtë vit dhe të bëjë një hap të madh drejt pastrimit të borxheve të saj”.

“Në të kaluarën, shumë njerëz të tjerë kanë marrë një copë byreku për fotografitë për të cilat Katie ka pozuar, por tani gjithçka shkon tek ajo, prandaj pendimi i saj i vetëm është që nuk e bëri atë vite më parë”, tha burimi.

“Kerry (Katona) ka arritur vërtet sukses. Ajo fitoi një milion funte në vitin e saj të parë në OnlyFans. Dhe Katie shpreson të bëjë të paktën po aq shumë”.

Duke folur për The Sun, një burim zbuloi se Katie ishte ‘mbytur nga interesi’ dhe tha: “Ajo gjithmonë shpresonte se gjërat do të shkonin mirë, por, si çdo gjë, nuk e dini kurrë se si do të shkojnë gjërat derisa të filloni”.

“Ajo ka pasur një interes të madh dhe shumë njerëz tashmë janë abonuar dhe kjo i ka dhënë një shtysë masive. Ajo është mirënjohëse për secilin dhe të gjithë ata që janë regjistruar në përmbajtjen e saj. Ajo thjesht dëshiron që ta kishte bërë shumë, shumë kohë më parë”.

Për vendimin e saj për t’u bashkuar me rrjetin social për të rritur, burimi pranë modeles shpjegoi: “Ajo më në fund ndihet sikur kontrollon imazhin dhe identitetin e saj dhe mund të marshojë në melodinë e saj”.

Të premten e kaluar dukej se ajo po luftonte për të pasur shumë ndërveprim në postimet e saj, por kishte komente të pakta nga ndjekësit.

Pavarësisht bujës në media për llogarinë e saj në OnlyFans, disa nga fotografitë e saj rrëqethëse kanë luftuar për të marrë më shumë se 10 komente nga ndjekësit, gjersa ka postime që kanë arritur të kenë vetëm një apo dy komente.

Gjatë një interviste me pyetjeje dhe përgjigjeje në faqen e filmave për të rritur, modelja u pyet se cila është pjesa e saj e preferuar e trupit dhe tha, sipas The Mirror: “Më duhet të them se janë këmbët e mia. Unë kam këmbë të vogla, të mira”.

Katie vazhdoi të tregojë se si ka pasur kaq shumë komplimente për këmbët e saj dhe se si kujdeset për to shumë mirë. /Telegrafi/