E fshehën shtatzëninë gjatë gjithë muajve të izolimit, zbulohet se Ed Sheeran dhe bashkëshortja e tij janë pritje të fëmijës së tyre të parë

Ed Sheeran dhe gruaja e tij Cherry Seaborn janë në pritje të fëmijës së tyre të parë së bashku.

Këngëtari që kryesin top listat e muzikës, 29 vjeçar dhe Cherry, 27 vjeçare, të cilët u takuan për herë të parë në shkollë, thuhet se janë javë larg nga të qenurit prindër, pasi mbajtën në fshehtësi shtatzëninë e Cherryt gjatë bllokimit global të COVID-19.

Çifti janë ‘mbi hënë’ me perspektivën të bëhen prindër dhe po bëjnë ‘përgatitjet e fundit’ në shtëpi përpara se të mirëpresin fëmijën e tyre në këtë jetë, shkruan DailyMail.

Një burim i tha The Sun: ”Ed dhe Cherry janë mbi hënë. Ata janë shumë të ngazëllyer, por i kanë mbajtur gjërat shumë sekret”.

“Bllokimi ishte një justifikim i përsosur për të mos parë dhe për shumë, por gjërat po afrohen dhe eksitimi po shtohet, kështu që ata kanë filluar t’u tregojnë miqve dhe familjes”, shtoi më tej burimi.

“Ata po bëjnë vetëm përgatitjen e fundit në shtëpi dhe foshnja pritet të vijë në jetë në përfundim të kësaj vere. Është një moment vërtet i lumtur dhe familjet e tyre janë të kënaqur plotësisht dhe mezi presin ardhjen e re”, tregoi tutje burimi pranë çiftit.

Lajmi vjen pasi Ed njoftoi në fund të vitit të kaluar se ai ishte duke marrë një pushim të zgjatur nga karriera e tij për t’u përqëndruar në udhëtime dhe jetën e tij personale.

Çifti janë bashkë prej pesë vitesh. Ed konfirmoi verën e kaluar se ai dhe Cherry lidhën kurorë në një ceremoni private në janar të vitit 2019. /Telegrafi/