LAJMI I FUNDIT:

E diela me diell dhe temperatura deri në 22 gradë Celsius

E diela me diell dhe temperatura deri në 22 gradë Celsius

Gjatë ditës së sotme parashihet të mbajë mot i vranët dhe me intervale kohore me diell.

Temperaturat minimale do të lëvizin ndërmjet 3-6 gradë celsius, ndërsa maksimalet e ditës parashihen të lëvizin ndërmjet 19-22 gradë Celsius.

Sipas Institutit Hidrometeorologjik të Kosovës, do të fryjë erë nga drejtimi i verilindjes me shpejtësi 1-4 m/s.


Kushtet biometeorologjike do të jenë relativisht të mira për shkak të insolacionit dhe lëkundjeve të lehta të elementeve meteorologjike, gjë që këto kushte do të luajnë rolë pozitiv në shëndetin e popullatës dhe në aktivitetet e përditshme.

Gjithashtu edhe kushtet agrometeorologjike parashihen të jenë të favorshme, sidomos për bujkun i cili ka filluar procesin e mbjelljes së kulturave vjeshtore dhe kjo fushat pritet të vazhdoj deri në fund të këtij muaji dhe dekadën e parë të nëntorit, varësisht nga kushtet klimatike./Telegrafi/