Dyshohej se ishte infektuar me coronavirus, mjekët kinezë e fusin në karantinë pacientin në aeroport – e transportojnë në spital me kuti të veçantë

Ky është momenti kur një pacient që dyshohet se është infektuar me coronavirus, transportohet nga aeroporti me një kuti të veçantë të xhamit.

Ky burrë ishte futur në karantinë me qëllim që pasagjerët tjerë të mos infektohen me virusin vdekjeprurës, transmeton Telegrafi.

Lexo po ashtu Pasojat e coronavirusit, qyteti kinez bllokohet tërësisht – ngriten çmimet nëpër markete, qytetarët rrahen në arkë për mallra  

Ai ishte futur në karantinë pasi gjatë kontrollit në aeroport kanë vërejtur anomali, dhe kështu autoritetet e aeroportit të Fuzhou në juglindje të Kinës informuan autoritetet kompetente.

Ai ishte nxjerrë nga terminali në një kuti gjigante me rrota e njohur në mjekësi si “izolues transportues” të cilin e shtynin mjekët me rroba speciale dhe maska në fytyrë.

Lexo po ashtu Skenat e tmerrshme nga Kina “vërshojnë” rrjetet sociale, nga coronavirusi njerëzit po rrëzohen nëpër rrugë

Në anën tjetër autoritetet kineze të shëndetësisë janë alarmuar, për faktin se virusi është shumë më i rrezikshëm dhe ngjitës sesa që kishin menduar, dhe po shpërndahet më shpejtë se që kishin parashikuar.

Lexo po ashtu Pamje rrëqethëse nga tregu që solli coronavirusin, aty hanë gjarpërinj, koala dhe akrepa – shitësit punojnë në papastërti të madhe

Ai madje po bartet nga një person në tjetrin përmes kollitjes e teshtimës, duke e bërë kështu të vështirë punën që të kontrollohet virusi vdekjeprurës. /Telegrafi/