Dyqind plumba në drejtim të tij, vritet shefi i policisë meksikane – detajet dhe pamjet nga vendi i ngjarjes

Shefi i policisë në shtetin veriperëndimor Sinaloa të Meksikës, Joel Ernesto Soto, është vrarë ndërsa po udhëtonte për në kryeqytetin e shtetit, Culiacán.

Sipas mediave të huaja, përcjell Telegrafi, policia lokale tha se persona të armatosur kishin qëlluar rreth dyqind plumba në makinën e tij.

Soto kishte mbijetuar një pritë të hershme tre javë më parë, kur autokolona me të cilën ai po udhëtonte u sulmua pranë qytetit të Mazatlán.

Shteti i Sinaloa është i njohur për dhunën e bandave me kartelin Sinaloa më vdekjeprurës dhe të dhunshëm.

Sidoqoftë, nuk është ende e qartë se kush mund të ketë qenë pas sulmit në Soto.

Sekretari i sigurimit të shtetit të Sinaloa, Cristóbal Castañeda, tha se Soto po kthehej nga një udhëtim për të parë familjen e tij kur i zunë pritën.

Castañeda tha se Soto po udhëtonte me truprojat e tij por kishte vendosur të mbante një “profil të ulët” dhe udhëtoi me një “makinë diskrete” kur u sulmua.

Sulmi vjen dy muaj pasi persona të armatosur vranë 13 oficerë policie dhe agjentë nga zyra e prokurorit të shtetit në shtetin qendror të Meksikës.

Vitin e kaluar, më shumë se 500 oficerë policie u vranë në Meksikë, shumë prej të cilëve u shënjestruan nga bandat e fuqishme kriminale të vendit dhe kartelet e trafikut të drogës. /Telegrafi/