Zëvendësministri i Infrastrukturës, Hysen Durmishi ka komentuar vendimin e Gjykatës Themelore në Prishtinë, lidhur me rastin e “53 milionisht” ku deputeti i AAK-së, Pal Lekaj u dënua me tri vite e tetë muaj burgim.
Durmishi në një postim në Facebook, ka shkruar se “Betchel Enka-s” i janë paguar edhe 44 milionë euro, pas 53 milionëve.
“Veç sa për sqarim. Nuk bëhet fjalë për 53 milionë, por për 97 milionë euro. Përveç 53 milionë euro Bechtel Enka është paguar edhe me një shumë tjetër në vlerë 44 milionë euro. Edhe pse kontrata ka qenë ‘llamsam’ (me çelësa në dorë) dhe me këtë lloj kontrate nuk lejohen punët shtesë, pa asnjë procedurë të prokurimit Bechtel Enka-s i janë paguar edhe 44 milionë euro shtesë”, ka shkruar Durmishi.
Gjykata Themelore në Prishtinë, krahas Lekajt, fajtorë i shpalli edhe Eset Berishën, Nebih Shatrin dhe Besim Tahirin, duke i dënuar me 10 vjet e 3 muaj burigm (të katër të akuzuarit së bashku).
Pal Lekaj, atëherë në cilësinë e ministrit të Ministrisë së Infrastrukturës (MI), Eset Berisha, në cilësinë e këshilltarit të lartë politik i tij, Nebih Shatri, si sekretar i Përgjithshëm në këtë ministri dhe Besim Tahiri, si drejtor i Prokurimit Publik në MI, akuzoheshin për keqpërdorim të detyrës zyrtare në bashkëkryerje në rastin e njohur si “53-milionëshi”.
Sipas aktgjykimit, Pal Lekaj u dënua me 3 vite e 8 muaj burgim efektiv, Nebih Shatri u dënua me 1 vit e 8 muaj burgim, Besim Tahiri u dënua me 1 vit e 8 muaj burgim dhe Eset Berisha u dënua me 3 vite e 3 muaj burgim.
Ndaj katër të akuzuarve, gjykata shpalli edhe dënimin plotësues- ndalimin e ushtrimit të funksionit publik në administratë publike ose në shërbimin publik për periudhë të caktuar kohore.
Sipas aktakuzës së ngritur më 4 shkurt 2022 nga Prokuroria Speciale e Republikës së Kosovës, Pal Lekaj, në cilësinë e ministrit të Ministrisë së Infrastrukturës (MI), Eset Berisha, këshilltar i lartë politik i tij, Nebih Shatri, si sekretar i Përgjithshëm në këtë ministri, në bashkëveprim dhe me dashje edhe me të pandehurin Besim Tahiri, drejtor i Prokurimit Publik në MI, akuzoheshin për keqpërdorim të detyrës zyrtare me rastin e ndarjes së 53 milionë eurove për konsorciumin “Bechtel &Enka”, për ndërtimin e autostradës Prishtinë – Hani i Elezit apo e njohur ndryshe si autostrada “Arbën Xhaferi”. /Telegrafi/
Lufta Prigozhin - Putin
Më shumëNgacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Inspektorati i Prishtinës në aksion, shqipton gjoba e konfiskon targa
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë