Dumfries pritet të jetë pasues i Hakimit, Interi tashmë ka nis bisedimet me agjentin e holandezit

Klubi italian, Interi i ka vënë sytë mbrojtësit të PSV Eindhoven, Denzel Dumfries dhe thuhet se ka hapur bisedime me agjentin e lojtarit holandez.

25-vjeçari e sheh kontratën e tij me PSV të skadojë në qershor të vitit 2023 dhe sipas Calciomercato.com, klubi holandez e vlerëson atë në 20 milionë euro.

Interi nuk është i gatshëm të paguajë çmimin e kërkuar nga klubi, por ka hapur bisedime me agjentin e lojtarit, duke shpresuar të gjejë një mënyrë për të përfunduar një marrëveshje.

Sipas raportit, Interi mund të përballojë të nënshkruajë lojtarin në huazim me një mundësi blerje, por mbetet të shihet nëse PSV do të pajtohet me kushte të tilla, duke pasur parasysh që 25-vjeçari ishte një nga lojtarët më të mirë për Holandës në Euro 2020 me dy gola në katër paraqitje.

Lexo po ashtu Yjet, zbulimet dhe befasitë e Euro 2020 në fazën e grupeve

Kampionët e Serie A janë në kërkim të një mbrojtësi të ri të djathtë pas transferimit të Achraf Hakimit në Paris Saint-Germain.

Transferimi i yllit të Marokut nuk është zyrtar ende, por drejtori i Interit, Beppe Marotta konfirmoi këtë javë se marrëveshja është bërë në mënyrë që Hakimi të bashkohet me gjigantët e Ligue 1 në një lëvizje prej 70 milionë eurosh.

#Dumfries–#Inter, si apre uno spiraglio: nerazzurri al lavoro per mettere in piedi la trattativa https://t.co/kpic2lVOQq pic.twitter.com/5gTXXCEHt3

— calciomercato.com (@cmdotcom) July 3, 2021

Dumfries është emri i përmendur si kandidat për të zëvendësuar Hakimin.

Sipas raporteve, Hector Bellerin, Davide Zappacosta dhe Nahuel Molina po monitorohen gjithashtu nga kampioni aktual i Serie A. /Telegrafi/