Dua Lipa shijon një natë me të fejuarin Callum Turner në Londër, teksa tregon unazën e saj të fejesës në orët e para të mëngjesit

Dua Lipa dhe i fejuari i saj, Callum Turner, shijuan një takim natën vonë të mërkurën, teksa u panë duke dalë nga Chiltern Firehouse rreth orës 2 të mëngjesit.

Çifti, të cilët së fundmi u raportua se janë fejuar, u larguan nga vendi i preferuar i të famshmëve të kapur dorë për dore, pasi kishin kaluar një mbrëmje romantike së bashku, shkruan DailyMail.

Dua kishte në dorë unazën e saj mahnitëse të fejesës, e cila përmban një diamant elegant solitaire të vendosur në një rrip ari 18 karatësh, me një vlerë të vlerësuar prej 25,000 funte (29,900 euro).

Këngëtarja 29-vjeçare kishte veshur një xhaketë lëkure ngjyrë burgundy me jakë prej pellushi sintetik, të kombinuar me pantallona të zeza dhe çizme me model lëkure gjarpri.

Lexo po ashtu Raporti i fundit zbulon diskriminimet gjinore në "Grammy": Femrat kanë një në pesë nominime, vetëm 19 për qind e tyre arrijnë të fitojnë

Ylli i “Future Nostalgia” mbante një çantë të markës “Chanel”, ndërsa aksesorët e tjerë i kishte mbajtur në minimum. Flokët e saj të errëta ishin krehur prapa me një stil të lëmuar, ndërsa grimi i saj ishte delikat dhe i lehtë.

Ndërkohë, Callum, 34 vjeç, dukej elegant me një xhaketë blu të markës “Harrington”, të kombinuar me një bluzë të zezë, pantallona klasike dhe këpucë të stilit loafers.

Çifti së fundmi ndezi rrjetin kur u panë duke kërcyer nën Kullën Eiffel gjatë një arratisjeje romantike në Paris.

Ata dukeshin si një çift ëndrrash, të përqafuar dhe duke lëvizur nën dritat e strukturës ikonike.

Dua dhe Callum ndezën për herë të parë thashethemet për një romancë në janar 2024, kur të dy morën pjesë në një after-party të filmit “Masters Of The Air” në Londër.

Para se të bënte publike marrëdhënien e saj, këngëtarja e “Dance the Night” zbuloi gjatë promovimit të albumit të saj “Radical Optimism” se kishte nevojë të rigjente vetëbesimin pas disa eksperiencave të vështira në të kaluarën.

Duke folur për Zane Lowe në Apple Music 1, ajo u shpreh: “Sa i përket marrëdhënieve, më duhej të arrija në këtë pikë për të kuptuar se çfarë kisha nevojë vërtet. Duhet të jesh në gjendje të falësh, të rritesh dhe të mësosh nga e kaluara për të ecur përpara”.

Ajo vazhdoi: “Për mua, Happy for You është një këngë e bukur dhe e lumtur, sepse reflekton udhëtimin tim personal. Çdo marrëdhënie dhe çdo përvojë të mëson diçka për veten – çfarë të lëndon, çfarë pret dhe çfarë je i/e gatshëm të japësh”.

Dua theksoi gjithashtu rëndësinë e vulnerabilitetit në marrëdhënie dhe si përvoja e saj në të kaluarën e kishte ndikuar: “Kam pasur marrëdhënie që më kanë lënduar shumë, veçanërisht në fillim. Më kanë bërë të ndihem sikur nuk isha e mjaftueshme dhe më është dashur të rigjej vetëbesimin tim”.

Ajo e përmbylli mendimin duke thënë: “Në fund, nuk ka të bëjë vetëm me personin e duhur, por me marrëdhënien e duhur. Është e rëndësishme të kuptosh cilat janë gjërat për të cilat nuk mund të bësh kompromis – si në miqësi, ashtu edhe në dashuri”. /Telegrafi/