Dua Lipa futet në histori – bëhet artistja e parë që ka katër këngë me nga mbi një miliard dëgjime në Spotify

Këngëtarja shqiptare me famë botërore, Dua Lipa, ka qenë shumë e përfolur ditëve të fundit.

Një postim i bërë në rrjetin social Instagram, ku shfaqej flamuri autokton dhe deshifrimi i fjalës, bëri që artistja të komentohej mbarë botërisht për patriotizmin e saj.

Mes shumë komenteve lidhur me postimet e fundit dhe kërkesën e saj publike ndaj kompanisë Apple që ta njohë hartën e Kosovës, Dua po shijon edhe suksese të shumta në muzikë.

Kënga e saj “Don’t start now”, e cila është kënga e parë e albumit të saj të dytë që u publikua këtë vit, “Future Nostalgia”, pak ditë më parë arriti shifrën prej një miliard dëgjimeve në platformën më të madhe të muzikës në botë, Spotify.

Lexo po ashtu Legjenda Francesco Totti pëlqen flamurin ‘Autochthonous’ të publikuar nga Dua – furi reagimesh nga opinioni serb

Kjo këngë është kënga e katërt e Duas në Spotify që kalon një shifër të tillë dhe njëherësh i ka siguruar asaj rekordin historik si artistja e parë femër që shënon një sukses të tillë.

Tri këngët tjera që gëzojnë një sukses të tillë me nga mbi një miliard dëgjime në SPotify janë këngët: “New Rules”, “IDGAF” dhe “One Kiss” në bashkëpunim me Calvin Harris.

Lajmi është shpërndarë nga faqja e njoftimeve muzikore “Pop Base” në rrjetin social Twitter, e cila citon: “Dua Lipa bëhet artistja e parë femër në historinë e Spotify-t me katër këngë me mbi një miliard klikime, pasi “Don’t start now” e arriti këtë shifër së fundmi”.

Dua Lipa becomes the first female artist in Spotify history to have 4 songs surpass 1 billion streams as “Don’t Start Now” has now reached the mark. pic.twitter.com/WYjSrJWYtf

— Pop Base (@PopBase) July 20, 2020

Përndryshe, kjo është lista me pesë emrat e artistëve me më së shumti këngë me miliarda dëgjime në Spotify:

1. Post Malone — 7 këngë
2. Ed Sheeran — 5 këngë
3. Justin Bieber — 4 këngë
3. The Weeknd — 4 këngë
3. Dua Lipa — 4 këngë. /Telegrafi/