Dua Lipa dhe Callum Turner duken shumë elegantë gjatë një mbrëmjeje në Paris, në eventin e koleksionit “Tiffany Titan”

Dua Lipa dhe Callum Turner u shfaqën shumë të dashuruar teksa morën pjesë në eventin e lansimit të koleksionit “Tiffany Titan” nga Pharrell Williams në Paris të martën në mbrëmje.

Këngëtarja e hitit “New Rules”, 29 vjeçe, dhe aktori i Fantastic Beasts, 34 vjeç, nuk mund t’i ndanin sytë nga njëri-tjetri teksa pozonin për fotografi para se të shëtisnin dorë për dore nëpër event.

Dua shkëlqeu me një fustan të zi të ngushtë dhe pa rripa, që i theksonte format, ndërsa partneri i saj gjithashtu zgjodhi të vishej krejtësisht me të zeza për t’u kombinuar me të, shkruan DailyMail.

Ajo i la flokët e errët të drejtë dhe të lëmuar, duke e kombinuar dukjen me një byzylyk të trashë të artë dhe vathë të gjatë.

Lexo po ashtu Në qytetin e dashurisë, Dua Lipa dhe Callum Turner shijojnë momente romantike nën Kullën Eiffel në Paris

Këngëtarja shqiptaro-britanike kishte zgjedhur një makijazh të ndritshëm, teksa shikonte me adhurim aktorin, i cili gjithashtu dukej i magjepsur pas saj.

Callum, i veshur elegant me një kostum të zi dhe çizme, dukej sikur ishte në qiellin e shtatë teksa përqafonte të fejuarën e tij – dhe çifti më vonë mori pjesë në një festë ekskluzive të organizuar nga Lenny Kravitz.

Ata qëndruan të afërt gjatë gjithë mbrëmjes, duke u ulur pranë njëri-tjetrit në event dhe më pas u larguan sërish të kapur për dore.

Në eventin e Tiffany morën pjesë edhe emra të tjerë të njohur, si Anya Taylor-Joy, e cila u shfaq mahnitëse me një fustan të shkurtër të zi me tutu dhe një pjesë të sipërme transparente.

Lexo po ashtu Dua Lipa duket si një damë e vërtetë në pasarelat e 'Chanel' gjatë Javës së Modës në Paris

Aktorja 28-vjeçare e kompletoi pamjen me një aksesor për flokët dhe taka të mprehta.

Në event ishte edhe Taylor Russell, e cila shfaqi një stil të frymëzuar nga Hollywood-i i vjetër, me një fustan sateni me një çarje të lartë deri në kofshë. Bukuroshja 30-vjeçare kombinoi fustanin me një xhaketë me pala dhe një gjerdan zinxhir të zi.

Modelja Rosie Huntington-Whiteley shfaqi format e saj të përsosura me një jumpsuit lëkure, që i theksonte belin.

Aktorja dhe modelja 37-vjeçare, e cila ndodhet në Paris për Javën e Modës, ‘Haute Couture’ pranverë-verë 2025, kishte mbledhur flokët e saj bionde në një topuz të rregullt.

Ndërkohë, Ashley Graham u shfaq me një fustan të zi të tejdukshëm dhe të ngushtë pas trupit.

Modelja 37-vjeçare shkëlqeu me një fustan të guximshëm me mëngë të gjata dhe çarje të lartë.

Blogerja dhe modelja gjermane Caroline Daur shfaqi elegancë me një korset të kombinuar me një fund të gjatë gri.

Aktorja bullgare Maria Bakalova u shfaq me një mini-fustan bardh e zi me kopsa të arta dhe një dekolte të thellë.

Në event ishte i pranishëm edhe Pharrell Williams, i cili u shfaq me një stil më ‘casual’, i veshur me xhinse, një xhaketë me zinxhir, syze të modës dhe një kapele rozë.

Para këtij eventi, Dua dhe Callum u panë duke kërcyer së bashku nën Kullën Eiffel, ku këngëtarja shfaqi unazën e saj të fejesës.

Një dëshmitar i rastit tha: “Dukeshin kaq të lumtur, po qeshnin, përqafoheshin dhe më pas nisën të kërcenin vallëzim romantik. Kishin duart rreth qafës së njëri-tjetrit dhe dukej sikur po këndonin bashkë”.

Sipas tij, çifti bënte disa lëvizje elegante në vallëzim dhe ishin shumë të lumtur. “Ata mund të jenë të famshëm, por për këdo që i shikonte, dukeshin si çdo çift i dashuruar”.

Dua dhe Callum u panë për herë të parë së bashku në janar 2024 dhe u fejuan në fund të vitit të kaluar.

Callum, i njohur për rolet e tij në filmat “Fantastic Beasts” dhe “The Boys On The Boat”, bleu një unazë me diamant dy karatësh të rrumbullakët, të vendosur në një rrip ari 18 karatësh me gjerësi rreth 5 mm.

Miqtë e çiftit thonë se ata janë të lumtur për martesën e ardhshme dhe janë të magjepsur pas njëri-tjetrit – dhe nuk e fshehin këtë fakt.

Gjatë mbrëmjes romantike, Dua u pa duke e puthur Callumin, duke qeshur ndërsa ai e përqafonte nga beli dhe duke bërë selfie me të teksa tymoste një cigare.

Para eventit, çifti kishte darkuar në restorantin me yll Michelin Parcelles, i vendosur në Rue Chapon, një nga rrugët më të modës në Paris.

Dua dhe Callum po qëndrojnë në Paris për Javën e Modës Couture, ku këngëtarja ishte e pranishme në rreshtin e parë të shfaqjes së Chanel, ndërsa Callum mori pjesë në disa evente, përfshirë atë të Louis Vuitton. /Telegrafi/