Drita fiton më me lehtësi se që është pritur, Arbëria drejt Ligës së Parë

Drita ka arritur të shënojë fitore ndaj Arbërisë si mysafir me rezultat 3-1 në kuadër të javës së 27-të në Superligën e Kosovës.

Gjilanasit që po luftojnë për titull kryen punën, ndërsa Arbëria siç duket herët është dorëzuar në luftë për mbijetesë.

Ndeshja nisi më mirë për mysafirët që arritën të shënonin gol që në minutën e 23-të me Dior Zabërxhën, i cili përfitoi nga një tollovi në mbrojtjen e Dritës.

Por nuk vonoi shumë dhe Drita barazoi rezultatin (27’) me një gjuajtje nga distanca të Festim Alidemës.

Nuk vonoi shumë dhe Drita e ktheu epërinë. Esosa Priestley Irogue shënoi për 2-1 në minutën e 33-të të ndeshjes.

Gjilanasit kishin mundësi ta shtonin epërsinë në pjesën e parë, por që nga pika e bardhë dështoi Erjon Vuçaj.

Por dilemën e fituesit Drita e zgjodhi në pjesën e dytë, kur arriti të shënojë për 3-1.

Betim Haxhimusa gjeti rrjetën nga brenda zonës, pas disa dështimeve në pjesën e parë.

Deri në fund nuk kishte më gola dhe Drita mori tri pikë që e ngjisin në vendin e parë.

Arbëria në anën tjetër pas fitores së Drenicës mbetet në vendin e nëntë me 27 pikë, pozitë që dërgon në Ligën e Parë. /Telegrafi/