Drejtuesit e Real Madridit udhëtojnë në Paris për Neymarin

Një delegacion nga Real Madridi thuhet se kanë udhëtuar në Paris për të negociuar transferimin e Neymarit nga Paris Saint-Germain.

Reali thuhet se është ‘optimistë’ se ata mund të përfundojnë marrëveshjen dhe ky besim nxitet nga ‘marrëdhëniet e këqija’ të PSG-së me Barcelonën dhe dëshira e tyre për të shitur brazilianin.

Më parë të enjten, Marca citoi një raport nga gazeta L’Equipe që pretendonte se Gareth Bale, James Rodriguez dhe Keylor Navas ishin tre lojtarë të përfshirë në një ofertë të Madridit, së bashku me 100 milion euro për Neymar, por e cila u refuzua nga PSG.

Lexo po ashtu PSG refuzon mega ofertën e Real Madridit për Neymarin, 100 milionë plus tre yje

Ylli brazilian ka qenë shumë i lidhur me një rikthim në Barcelona këtë verë pasi një largim nga kryeqyteti francez duket gjithnjë e më shumë i mundshëm.

Raporti i freskët nga gazeta Marca ka pohuar se Reali ‘është në një pozitë më të mirë’ sesa Barça për të nënshkruar me lojtarin, i cili ka ndërmend të largohet nga kampionët francezë, të cilët gjithashtu janë të etur për të përfunduar shitjen e tij.

Lexo po ashtu PSG i ka dhënë dy mundësi Barcelonës për transferimin e Neymarit

Ish-sulmuesi i Santosit u largua nga Camp Nou për në Paris në verën e vitit 2017 për një çmim rekord botëror prej 222 milionë eurosh, por raportet vazhdojnë të sugjerojnë se ai mund të jetë i hapur për një largim nga parisienët.

Neymar ka qenë vazhdimisht i lidhur me një rikthim në Spanjë që nga largimi i tij me gjigantët katalunas dhe Real Madridi është i prirur për një transferim të ardhshëm. /Telegrafi/