Drejtori sportiv i Milanit, Mirabelli: Interi ta harrojë Suson

Drejtori sportiv i Milanit, Massimiliano Mirabelli, ka thënë se Suso nuk do të shkojë te Interi dhe se sulmues i ri që do të vijë te kuqezinjtë do të jetë më i mirë se sa ata që do të largohen.

Sky Sport Italia shkruante muajin e shkuar se agjenti i Susos ishte në bisedime me Interin , por Mirabelli i ka hedhur poshtë kategorikisht këtë thashetheme.

Ai shtoi se Nikola Kalinic dhe Andre Silva do të zëvendësohen nga golashënues më të mirë se sa këta të dy.

“Imobiliare apo Morata? Ne kurrë nuk kemi hyrë në publik me emra, në mënyrë që të mos mashtrohemi”.

“Nëse ndonjëri nga sulmuesit tanë largohet, atëherë ata që do t’i sjellim duhet të jenë më mirë se këta që largohen dhe duhet të përshtaten në lojën e trajnerit”.

“Asnjë nga agjentët e lojtarëve tanë të mëdhenj nuk ka ardhur për të na pyetur rreth largimit nga klubi. Suso? Ai ka një klauzolë lirimi dhe gjithmonë ka insistuar që ai dëshiron të qëndrojë”.

“Unë shpresoj që do të qëndrojë, por ai sigurisht nuk do të shkojë te Interi”.

“Një gjë është e sigurt. Milani nuk do t’i ofrojë lojtar ndonjë klub tjetër, sidomos lojtarët më të mirë”, ka deklaruar Mirabelli./Telegrafi/