Drejtori i Napolit konfirmon se Osimhen dëshiron të largohet, gjiganti anglez shpreson në transferimin e tij

Objektivi i Arsenalit , Victor Osimhen është gati të largohet nga Napoli këtë verë, siç la të kuptohet nga drejtori sportiv i klubit, Giovanni Manna.

Duke folur për të ardhmen e sulmuesit nigerian, drejtori i Napolit ka konfirmuar se ai dëshiron të largohet.

“Victor dëshiron të largohet dhe ne kemi lojtarë që mund ta zëvendësojnë atë. Osimhen është një lojtar i madh, por prioriteti ynë është ta mbajmë ekipin të bashkuar. Do të shohim se si do të zhvillohen gjërat në 20 ditët e ardhshme”, deklaroi Giovanni Manna.

Lexo po ashtu Chelsea synon transferimin e një tjetër sulmuesi – identifikojnë yllin e Serie A si objektiv kryesor

Sipas Gianluca di Marzio, Arsenali është ende në garë për të nënshkruar me Osimhen dhe po mendon të kthehet në betejë për të bërë një ofertë për të.

Por Topçinjtë do të përballen me konkurrencë të ashpër për nënshkrimin e nigerianit.

Kjo për shkak se Chelsea tashmë po negocion në mënyrë aktive nënshkrimin e tij të mundshëm.

Lexo po ashtu Gjiganti anglez futet fuqishëm në garë për transferimin sensacional të Osimhen

Ata po synojnë ta shtojnë atë në një marrëveshje të mundshme që do të shohë gjithashtu Romelu Lukakun të transferohet te Napoli. PSG është gjithashtu e interesuar për nënshkrimin e Osimhen si pasardhësin e Kylian Mbappe.

Sulmuesi 25-vjeçar ka shënuar 78 gola në 133 paraqitje për Napolin dhe nuk do të jetë i disponueshëm për të lira, me Napolin që ka të ngjarë të kërkojë mbi 80 milionë funte për ta lënë atë të largohet. /Telegrafi/