Drejtori i bordit të Telekomit e publikon sot dorëheqjen e dhënë vitin e kaluar

Drejtori i Bordit në Telekom, Fidel Krasniqi në dhjetor të vitit të kaluar ka dhënë dorëheqje nga detyra e tij si drejtor.

Krasniqi dorëheqjen e tij ia kishte dërguar kryeministrit Haradinaj më 7 dhjetor 2018, ndërsa sonte e ka bërë publike në llogarinë e tij Facebook.

Në dorëheqjen e tij dërguar kryeministrit, Krasniqi kishte kërkuar që ta lironte nga detyra e drejtorit të bordit të Telekomit.

“Telekomi po kalon nëpër sfida të rënda dhe të mëdha por që me një menaxhim konform praktikave të mira të qeverisjes koperative dhe planeve strategjike Telekomin mund ta shpien në një rrugë progresive pozitive duke ofruar shërbime cilësore dhe në të njëjtën kohë duke qenë sërish lider në ofrimin e shërbimeve telekomanduese.

Bazuar në nevojën më të madhe që Telekomi e ka në fushën e menaxhimit dhe në pamundësi që unë të jap kontribut më të madh nga pozita ku ndodhem, shoh të arsyeshëm që unë sot të kërkoi nga Ju të më lironi nga pozita e emëruar Drejtor i Bordi i Telekomit Kosovës”, kishte shkruar ai.

Dorëheqja e Fidel Krasniqit, të cilën ia ka ofruar kryeministrit Haradinaj, më 7 dhjetor 2018

Ndërsa sonte në rrjetin social facebook, Krasniqi ka shkruar se ka se akti me njerzor tani që mund ta bëjë bordi i Telekomit është doreheqja e parevokueshme e tyre.

“Si kërkese morale drejtuar ish kolegeve te mij dhe si ish anëtar i bordit dhe më i miri i vlerësuar nga vendorët dhe ndërkombtarët dhash dorëheqje nga pozita, (edhe pse sipas rezultateve dhe përvojes me takonte që udhëheqësha bordin), heret pa pas ndonjë akuzë kur pash që gjerat nuk po lëvizin në vijën e duhur.

Qasja komplet joprofesionale pothuajse e shumicës së anëtarëve bordit po e humb edhe më shumë toruan e tyre edhe pse medoj ende që ndonjëri aty mund jetë tepër profesional.

Akti më njerzor tani që mund ta bëjë bordi i Telekomit është dorëheqja e parevokueshme e tyre. Mos i merrni në qafë 2300 apo 2600 – familjet e vendit ku shumica e tyre nuk kanë ka t’i mbajnë”, ka shkruar ai./Telegrafi/