Drejtori i centralit bërthamor Zaporizhia është arrestuar nga patrulla ruse

Drejtori i përgjithshëm i termocentralit bërthamor të Ukrainës Zaporizhzhia është arrestuar nga një patrullë ruse, tha presidenti i kompanisë shtetërore bërthamore Energoatom, Petro Kotin në një deklaratë të shtunën.

Drejtori i Përgjithshëm, Ihor Murashov, ishte në automjetin e tij duke u nisur nga uzina kur “u ndalua, u nxor nga makina dhe me sy të lidhur u çua në drejtim të panjohur. Për momentin nuk ka asnjë informacion për fatin e tij”, tha Kotin, transmeton Telegrafi.

“Murashov është një person i licencuar dhe mban përgjegjësinë kryesore dhe ekskluzive për sigurinë bërthamore dhe rrezatuese të NPP Zaporizhzhya”, tha Kotin, duke shtuar se ndalimi i tij “rrezikon sigurinë e funksionimit të Ukrainës dhe termocentralit më të madh bërthamor në Evropë”.

Kotin iu bëri thirrje rusëve të lirojnë Murashovin dhe i kërkoi Drejtorit të Përgjithshëm të Agjencisë Ndërkombëtare të Energjisë Atomike, Rafael Grossi, ta “lirojë” atë.

Ministria e Punëve të Jashtme të Ukrainës “dënon fuqishëm ndalimin e paligjshëm” të Murashov në një deklaratë të publikuar në faqen e saj të internetit të shtunën. /Telegrafi/