“Dramë” në një autobus në Liverpool, gruaja deshi të udhëtojë pa maskë – pasoi grindja ku u përfshi edhe shoferi

Shoferi i një autobusi është detyruar ta ndalë mjetin për të ndërhyrë, pasi një grup pasagjerësh kishin filluar të grinden me një vajzë të re e cila nuk mbante maskë mbrojtëse.

Videoja është filmuar në Liverpool dhe ka nxitur reagime të ashpra në rrjetet sociale. Disa persona filluan ta kritikojnë vajzën e re që nuk barte maskë, e në mesin e tyre edhe një grua e cila kishte mbuluar vetëm gojën me maskë, por jo edhe hundën, transmeton Telegrafi.

Videoja që është bërë virale në internet, shfaq shoferin e autobusit që pyet se çfarë po ndodh, derisa në sfond dëgjohen britma dhe sharje.

“Po grindet me të gjithë… thotë se problemi jeni ju sepse po lejoni pasagjerët të futen pa maska”, i përgjigjet një grua.

“Nëse po u mbani tjerëve leksion për mbajtje të maskës, atëherë vendoseni mirë siç duhet – nëse jeni police e maskës”, ia kthen shoferi gruas që nuk e kishte mbuluar hundën me maskë.

Por këtu nuk përfundoi gjithçka – gruaja ia kthen me të njëjtën monedhë duke i thënë shoferit se maskën po e mban si duhet, e shoferi ia bën me dije se nuk është kompetente që të vlerësojë dhe qortoj qytetarët se duhet të bartin maskë.

Nga mllefi i madh ajo del nga autobusi duke kërcënuar se do ta raportoj rastin tek autoritetet kompetente. /Telegrafi/

https://www.youtube.com/watch?v=CHXsDs9NmDQ&feature=emb_title