Donat Rrudhani thotë se u keqkuptua në intervistën për “Blick”: Situata në Kosovë ka ndryshuar pas inkuadrimit në FIFA dhe UEFA

Donat Rrudhani ka lëshuar një njoftim në llogarinë e tij zyrtare në Facebook se është keqkuptuar në intervistën e dhënë për mediumin zviceran “Blick”.

Reprezentuesi i Kosovës kishte deklaruar aty se para 12-13 vitesh, në vendin tonë – lojtarët janë inkuadruar në një ekip, vetëm nëse babai i tyre ka pas dikë të njohshëm.

Mirëpo, Rrudhani përmes postimit bëri të ditur se në ditët e sotme ajo situatë ka ndryshuar dhe se me pranimin e Kosovës në FIFA dhe UEFA, ka ndryshuar mentalitet:

Lexo po ashtu Donat Rrudhani në intervistë për Blick: Kur isha në Kosovë vite më parë mund të luaje vetëm nëse babai yt njihte dikë

Sqarim rreth intervistet time të dhënë për gazetën Zvicrrane “Blick„

Në lidhje me termin e përdorur se: në Kosovë mund të luash vetëm nëse babai ytë ka të njohur dikë në klube, kam pasqyruar situaten e para 12-13 vitev në futbollin vendorë të Kosovës pjes e së cilit kam qenë edhe unë, prandaj situata e tanishme sidomos pas pranimit të Kosovës në UEFA dhe FIFA normalisht që ka ndryshuar dhe rastet në klubet e Kosovës që kan ndodhur para 12-13 viteve nuk përkojnë me situatën e tanishme, ku kemi rritje të profesionalizmit ku ekipet tona si Drita, Gjilani, Prishtina, Llapi, Ballkani etj. po përfaqsojnë dinjitetshëm dhe me plot sukses Kosovën në garat Evropiane.

Andaj kërkojë nga mediat dhe opinioni sportiv qe intervista ime për gazën “Blick„ të mos marrë kahje tjetër apo të paraqitet në një menyr tjetër nga ajo qfarë kam thënë. /Telegrafi/