Presidenti i SHBA-së, Donald Trump, urdhëroi të gjithë kontrollorët e trafikut ajror të "kthehen në punë", dhe kërcënoi se ata që nuk e bënin këtë do t'u pezullohen nga paga "e konsiderueshme".
Mijëra fluturime janë anuluar si rezultat i mbylljes së qeverisë federale, për shkak të mungesës së stafit të kontrollit të trafikut ajror (ATC) të nevojshëm për të ruajtur sigurinë ajrore.
"Të gjithë kontrollorët e trafikut ajror duhet të kthehen në punë, tani", shkroi Trump në një postim të hënën në mëngjes në Truth Social, transmeton Telegrafi.
"Kushdo që nuk e bën këtë do të 'pezullohet' në mënyrë të konsiderueshme. Për ata kontrollorë të trafikut ajror që ishin patriotë të mëdhenj dhe nuk morën për asnjë moment pushim për 'mashtrimin e mbylljes së Demokratëve', unë do të rekomandoj një BONUS prej 10,000 dollarësh për person për shërbim të shquar ndaj vendit tonë", shtoi ai.
Trump u bëri thirrje atyre që "nuk bënë gjë tjetër veçse u ankuan dhe morën pushim, edhe pse të gjithë e dinin se do të paguheshin, plotësisht, së shpejti në të ardhmen të japin dorëheqje. Do të keni një notë negative, të paktën sipas mendimit tim, në dosjen e juaj", theksoi Trump. /Telegrafi/
