Don Arbas flet për herë të parë pas incidentit me Ilir Tolajn: Konflitki ishte diçka sekondare, nuk isha në karakterin tim (Foto)

Javën e kaluar, të gjithë ishin dëshmitarë të një përleshje fizike që ndodhi në Prishtinë mes dy personazheve mjaft të njohur.

Producenti Don Arbas sulmoi doktorin e njohur Ilir Tolajn në rrugën “Rexhep Luci” në Prishtinë, në shoqëri të disa personave.

Pas kësaj ngjarje, Policia shoqëroi të dyshuarit në rajon, të cilët më pas u liruan ndërsa asnjëri prej të përfshirëve në ngjarje nuk doli me një deklaratë publike deri më tani.

Don Arbas është ai i cili së fundmi vendosi që përmes një shkrimi në rrjetin social Facebook të sqarojë ngjarjen se si ndodhi atë ditë, e që në fakt nuk kishte të bënte aspak me karakterin e tij.

“Një incident që ndodhi para ca ditëve m’boni personazh të Portaleve, unë kurr skam qënë njeri i dhunës as të përflitem për keq , përkundrazi jam marrë me dicka që është larg dhunës dhe afër cdo parimi njerëzor dmth me ( ART ), dhe si artist u ndjeva keq për atë që ka ndodhur pa marrë parasysh fajtorin gjej rastin ti kërkoj ndjesë publike Dr Ilir Tolaj’t me të cilin u konfliktova, ky konflikt ishte dicka sekondare dhe ndodhi ajo që ndodhi , zdua të zgjatem thjesht dua të sqaroj opinionin publik që kjo që ndodhi nuk ka të bëje me personalitetin dhe karakterin tim . Falëminderit të gjithve për mirkuptimin .!!” (sic.), ka shkruar Don Arbas në Facebook. /Telegrafi/