Mbetet sërish një SUV, por do të pësojë shumë ndryshime në krahasim me modelin e tanishëm

Në vitin 2010, doli prej prodhimit modeli i fundit i Dodge Durango dhe është një kohë shumë e gjatë, që kur ky model është në treg, transmeton Telegrafi.

Kjo është gjenerata e tretë e kësaj veture, derisa në vitin që vjen, pritet të del gjenerata e katërt, që do të ketë ndryshime të mëdha.

Detajet e kësaj makine, nuk janë bërë të ditura, megjithëse mendohet se do të ngjasojë shumë me Jeep Wagoneer të ri.

Sipas Mopar Insiders, Durango i ri do të hyjë në prodhim krahas këtij Jeep në Warren Truck Assembly Plant, andaj pritet që të ketë gjëra të përafërta me të.

Bashkë me Dodge Durango të ri, pritet që të shtohet edhe versioni hibrid me 48 volt, që pritet të jetë shumë modern dhe i mirë. /Telegrafi/