‘Djajtë e Kuq’ vazhdojnë serinë e fitoreve, Ibra hero me dy gola (Video)

Manchester United kanë fituar në udhëtim ndaj skuadrës West Bromwich Albion.

Skuadra e drejtuar nga Jose Mourinho ka shënuar fitoren e tretë radhazi në Ligës Premier, pasi kanë fituar 2-0 ndaj WBA-së me dy golat e Zlatan Ibrahimovic.

Pjesa e parë e takimit nisi më mirë për mysafirët nga Manchesteri, të cilët u hodhën me fillim në sulm.

Nuk shkoi më shumë se pesë minuta dhe në skenë u shfaq, Zlatan Ibrahimovic, i cili shënoi më kokë për 1-0, pas asistimit të saktë të Jese Lingard.

Deri në fund të pjesës së parë, të dy skuadrat patën edhe nga një sulm të mirë me Jonas Olsson (12’), respektivisht Wayne Rooney (23’), por nuk patën sukses dhe skuadrat shkuan në pushim me rezultat 1-0 për Unitedin.

Edhe pjesa e dytë ishte më e mirë për mysafirët, të cilët arritën të shënojnë edhe një gol me anë të sulmuesit suedez.

Goli i dytë personal i Ibrahimovicit u shënua në minutën e 56-të, pas një depërtimi të mirë, ku më parë u shërbye nga Rooney.

Në minutat e mbetur, WBA u mundua të ngushtoj epërsinë, por pa pasur sukses dhe në fund ndeshja përfundoi me fitoren 2-0 të ‘Djajve të Kuq’.

Pas kësaj fitore, United e sheh vetën në vendin e gjashtë me 30 pikë dhe ndeshjen e ardhshme luan në shtëpi me Sundelandin, ndërsa WBA renditet e shtata me 23 pikë dhe udhëton te Arsenali. /Telegrafi/

Nice start for muntd ..another header from Ibra.#ManchesterUnited #Ibrahimovic #WBAMUN pic.twitter.com/OmSEtoPcWk

— hisham khatabi (@hishamkhatabi) December 17, 2016

https://www.youtube.com/watch?v=W_ZyMvW6sZk